BIAPHUAN 1:5 - Lai (Hakha) Common Language Bible 2006

⁵ Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

Laibaibal Thiang (BSI)

⁵ Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 1:5 ပူးပေါင်းရင်းမြစ်များ

SALM 51:2

Ka ṭhat lonak cu ka ṭawlpiak hna law ka sualnak cu ka thianhpiak ko hna.

SALM 72:11

Siangpahrang vialte kha a hmaiah an kun lai i miphun vialte nih a rian an ṭuan lai.

SALM 89:27

Amah cu ka fater ah ka ser lai i siangpahrang vialte lak i a ngan bik ka siter lai.

PHUNGTHLÛKBIA 14:5

Zumh awk tlakmi tehte nih cun lih kha a chim lo, sihmanhsehlaw tehte dinglo nih cun lih kha a thaw ah aa chuahchih.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

DANIEL 2:2

Khi tikah siangpahrang nih cun mitlehthiam hna le camhthiam hna le khuachia ṭhawlthiam hna le eihthiam hna kha a kawh hna i ka mang cu a sullam ka chim u, tiah a ti hna. Annih nih an rat i siangpahrang hmaiah an dir tikah khan a thawh hna i,

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

LEVITIKAS 13:58

Sihmanhsehlaw puan tahmi siseh, phiarmi siseh, saphaw in sermi paoh siseh, nan suk tikah zawtnak nih a kaltakmi cu, a voi hnihnak nan suk ṭhan lai i a thiang lai.”

ZEKHARIAH 13:1

Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

JOHAN 15:9

Ka Pa nih a ka dawt bantukte in kei zong nih kan dawt ve hna; kan dawtnak hna chungah hin um ko uh.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 3:11

Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 3:32

Amah nih cun a hmuhmi le a theihmi kha a chim, sihmanhsehlaw ahohmanh nih a chimmi kha an cohlang lo.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 26:23

cucu zeidah a si tiah, Judah mi hna le Jentail mi hna sinah khamhnak ceunak thanh awk caah, Messiah nih cun fahnak kha a in a hau lai i thihnak in a tho ṭhan hmasa bikmi a si lai, ti hi a si ko,” tiah a ti.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

EFESA 2:4

Sihmanhsehlaw Pathian nih a kan zaangfahnak cu a tam tuk i a kan dawtnak cu a ngan tuk hringhran caah

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

DEUTERONOMI 18:2

An unau hna lakah ro an ngei lai lo; bia a kam hna bangin Bawipa cu an ro a si.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

DEUTERONOMI 7:8

Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a ṭhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

1TIMOTE 6:15

Cu Ni cu Pathian nih a caan a rem a ti tikah a tlunter ko lai; zeicahtiah Pathian lawnglawng cu thangṭhat awk tlak Uktu le siangpahrang hna Siangpahrang le bawi vialte hna Bawi a si.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.