BIAPHUAN 1:15 - Lai (Hakha) Common Language Bible 2006

¹⁵ a ke cu somei chungah an tit i tleu tein an hnormi dar bantukin a tleu i a aw cu tisor nganpi thawng bantuk a si.

Laibaibal Thiang (BSI)

¹⁵ A kephah hna cu a tleumi dar thianternâk mei i thianhter cangmi bantuk a si, cun a aw thawng cu ti tampi luan thawng bantuk a si.

BIAPHUAN 1:15 ပူးပေါင်းရင်းမြစ်များ

SALM 93:4

Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

EZEKIEL 1:24

Cun an thla thawng zong kha ka theih, an kal tikah an thla thawng cu ti tampi thawng bantuk a si, Lianngan Bik khuari thawng bantuk a simi bu nganpi thawng le ralkap bu thawng bantuk a si; an dir tikah an thla kha an ṭhumh hna.

EZEKIEL 1:7

An ke cu a ding i an ketin cu cawfa tin bantuk an si i dar kheng bantukin an tleu.

EZEKIEL 40:3

Khuapi leiah cun a hei ka kalpi i dar in an sermi mipum a lomi mipa kha ka hmuh i la hmangṭhia le tahnak fung kha aa put i kutka ah cun a dir.

EZEKIEL 43:2

i Israel Pathian sunparnak cu nichuahlei in a rat kha ka hmuh. A aw cu ti thawng nganpi bantuk a si i vawlei cu a sunparnak cun a ceu.

DANIEL 10:6

A pum cu topaz lungvar bantukin a tleu i a hmai cu nimtlau bantukin a ceu; a mit cu mei ceu bantukin a ceu i a ban le a ke hna cu dar kheng bantukin an cer; cun bia a chim tikah a aw cu mibupi aw thawng bantuk a si.

BIAPHUAN 10:1

Cun vancung in a ṭhawngmi vanmi a dang pakhat a rung ṭum kha ka hmuh. Khuadawm in aa thuam i a lu ah chuncha aa khimh; a hmai cu nika bantuk a si i a ke cu mei tung pipi bantuk an si.

BIAPHUAN 14:2

Cun tisor nganpi thawng bantuk le khuari thawng bantuk a simi aw pakhat kha vancung in ka theih. Cu ka theihmi aw cu tingtang tum thiammi nih tingtang in aw dawh an tummi bantuk a si.

BIAPHUAN 19:6

Cun mibu nganpi aw bantuk, tisor nganpi thawng bantuk, khuari thawng bantuk a simi aw pakhat kha ka theih. “Bawipa, Lianngan Bik, kan Pathian cu Siangpahrang a si caah, thangṭhat ko u!

BIAPHUAN 2:18

“Thiatira khua i a ummi Khrihfabu vancungmi sinah hi bangin va ṭial tuah: Hi bia hi Pathian Fapa, a mit mei alh bantukin a alhmi le a ke dar tleu bantukin a tleumi bia a si.