BIAPHUAN 1:1 - Lai (Hakha) Common Language Bible 2006

¹ Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

Laibaibal Thiang (BSI)

¹ Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

BIAPHUAN 1:1 ပူးပေါင်းရင်းမြစ်များ

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

DANIEL 8:16

Cun Ulai tiva lei khan aw pakhat ka theih i, “Gabriel, mipa kha langhnak a sullam kha chim tuah,” tiah a ti.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

DANIEL 9:23

“Daniel, na hngalhnak kha fianter awkah ka ra. Na thlacamnak kha na thawk tikah Pathian nih an leh. Pathian nih an dawt caah an lehnak chimh awkah atu hi ka ra. A sullam ka chim lioah bia cu ṭha tein ruat tuah:

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

JOHAN 12:49

Zeicahtiah, keimah nawl in ka chim lo, ka chimmi cu a ka thlahtu ka Pa nih na chim lai tiah a ka fialmi kha an si.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 3:32

Amah nih cun a hmuhmi le a theihmi kha a chim, sihmanhsehlaw ahohmanh nih a chimmi kha an cohlang lo.

JOHAN 8:26

Nanmah kong ah hin bia chim awk tampi ka ngei — nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

GALATI 1:12

Cu thawngṭha cu minung sinin ka hmuhmi a si lo i minung nih an ka cawnpiakmi zong a si lo. Ka sinah a phuangtu cu Jesuh Khrih hrimhrim kha a si.

EFESA 3:3

Pathian nih a thuhmi a khuakhannak cu ka sinah a phuan i a ka hngalhter. (Hi kong hi tawi tein nan sinah ka rak ṭial cang,

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

BIAPHUAN 1:19

Cucaah cun na hmuhmi thil, atu i a um liomi thil hna le hmailei ah a um lai dingmi thil hna kha ṭial hna.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 17:1

Cun vancungmi pasarih lak i pakhat, kanto aa putmi kha ka sinah a ra i, “Ra law, rilipi cungah bawinu ṭhut in a ṭhumi hlawhhlangnu milianngan nu kha, zeitindah dantat a si lai, ti kha kan hmuhsak lai.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

BIAPHUAN 21:9

Vancungmi pasarih hna lak i pakhat, hremnak hmanung bik pasarih in a khatmi kanto pasarih aa putmi kha ka sinah a ra i, “Ra hmanh, Tuufa nupi, va ngei lai ngaknu cu kan hmuhsak lai,” a ti.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

BIAPHUAN 22:6

Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

BIAPHUAN 22:8

Keimah Johan nih hi thil vialte hi ka theih hna i ka hmuh hna. Cun ka theih hna i ka hmuh dih hna tikah, hi thil vialte a ka hmuhsaktu vancungmi ke hram ah cun ka bawk i biak ka zalh.

BIAPHUAN 22:9

Sihmanhsehlaw a ka thawh i, “Tuah hlah. Kei zong nangmah bantukin sal ka si ve ko; na unau profet hna le hi cauk chung i aa ṭialmi bia a zulmi na unau hna bantukin sal ka si ve ko. Pathian tu bia ko,” a ti.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.

BIAPHUAN 5:7

Tuufa cu a va kal i bawiṭhutdan cung i a ṭhumi orhlei kut i cazual kha a va lak.