BIACEIHTU 9:7 - Lai (Hakha) Common Language Bible 2006

⁷ Mah cucu Jotham kha an chimh tikah, Gerizim Tlang par ah cun a hung kai i a dir i fak piin a au i annih cu, “Shekhem mi hna, ka bia ngai tuah u, Pathian nih nan bia a ngaih nakhnga.

BIACEIHTU 9:7 ပူးပေါင်းရင်းမြစ်များ

GENESIS 37:6

A thawh hna i, “Ka mang hi ngai hmanh u.

PHUNGTHLÛKBIA 21:13

Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

JOHAN 4:20

Kannih Samaria mi a kan hringsortu hna nih, hi tlang ah hin Pathian cu an rak biak, sihmanhsehlaw nannih Judah mi nih Pathian cu Jerusalem khua ah biak awk a si nan kan ti,” a ti.

DEUTERONOMI 11:29

Cun co awkah nan va luhhnawh laimi ram chungah Bawipa nan Pathian nih an luhpi hna tikah, thluachuahnak cu Gerizim Tlang ah nan chiah lai i chiatserhnak cu Ebal Tlang ah nan chiah lai.

DEUTERONOMI 11:30

Jordan tiva ral, nitlaknak lei lam hnulei, Arabah i a ummi Kanaan mi hna ram chung, Gilgal ral, Moreh kuhthing hna pawngah an um, a si lo mei?

DEUTERONOMI 27:12

“Jordan tiva nan tan dih tikah, mi kha thluachuah pek hna awkah hi hna hi Gerizim Tlang ah an dir lai: Simeon, Levi, Judah, Issakhar, Josef, le Benjamin.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

JOSHUA 8:33

Cun Israel mi vialte cu, mipem he Israel mi chungchuak taktak he, an upa hna le an bawi hna le an biaceihtu hna he tiah, Bawipa biakamnak kuang a putu Levi mi tlangbawi hna hmai kuang hmailei le hnulei ah cun an dir, hnarcheu cu Gerizim Tlang hmaiah, hnarcheu cu Ebal Tlang hmaiah; Bawipa sal Moses nih a thawkterte ah Israel mi cu thluachuah nan pek hna lai, ti i nawl a rak pek hna bang khan.

BIACEIHTU 9:6

Cun Shekhem khuami vialte le Beth-millo khuami vialte cu an i pum i Abimelek cu Shekhem khua lungphun hram i kuhthing pawngah cun siangpahrang ah an ser.

BIACEIHTU 9:8

Voi khat cu thingkung nih an siangpahrang ca i chiti thuh awkah an kal; cun annih nih oliv kung kha, ‘Kan uk tuah,’ tiah an va ti.