BIACEIHTU 9:56 - Lai (Hakha) Common Language Bible 2006

⁵⁶ Cuticun Pathian nih Abimelek cu, a pa cung i ṭhat lonak a tuahmi, a unau sawm sarih a thahmi hna ruangah khan, teirul a cham;

BIACEIHTU 9:56 ပူးပေါင်းရင်းမြစ်များ

GENESIS 9:5

Pakhatkhat nih an in thah hna ahcun, thihnak in dan ka tat hna lai. Nanmah an thattu hna saram cu ka thah hna lai i ahohmanh a minung hawi a thatmi cu dan ka tat hna lai.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

JOB 31:3

Vanchiatnak nih hin miding lomi a tlunhnawh hna lo maw? Chiatnak nih hin ṭhat lonak a tuahtu a tlunhnawh hna lo maw?

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

SALM 9:12

Pathian nih hremnak a ingmi kha a philh hna lo i an aunak kha a philh lo: an cung i ṭhat lonak a tuahtu kha dan a tat hna.

SALM 94:23

Annih cu an ṭhat lo ruangah dan na tat hna lai i an sual ruangah na hrawh hna lai; Bawipa kan Pathian nih na hrawh hna lai.

PHUNGTHLÛKBIA 5:22

Miṭhalo cu amah ṭhat lonak ah aa foih i a sual rianṭuannak ah khan a tang.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

BIACEIHTU 9:24

mah cucu, Jerubbaal fapa sawm sarih hna cung i sumṭhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a ṭhawntertu hna Shekhem khuami cungah khan, chiah a si nakhnga caah a si.

BIACEIHTU 9:55

Cun Israel mi nih Abimelek a thih kha an hngalh tikah anmah le an inn cio ah an tlung.

BIACEIHTU 9:57

cun Shekhem khuami hna an ṭhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.