BIACEIHTU 9:37 - Lai (Hakha) Common Language Bible 2006

³⁷ Gaal nih, “Zohhmanh, ram laifang in mi an rung ṭum khi, cun phu khat cu Camhthiammi Hna Kuhthing lei in an ra khi,” tiah a ti ṭhan.

BIACEIHTU 9:37 ပူးပေါင်းရင်းမြစ်များ

EZEKIEL 38:12

A rak rawkmi khuapi hna chung i a ummi hna kha ka ramh hna lai i an thil kha ka chuh hna lai, tiah naa ruah lai. Annih cu tunaite i miphun hna chungin pumh ṭhanmi an si i atu an thilri le saṭil hna he khan vawlei laifang lam tonnak ah an um.

DEUTERONOMI 18:14

Zeitintiah nan pawnchuah laimi miphun hna nih hin khuavang le litin thiam kha an rak lun hna, sihmanhsehlaw nannih cu Bawipa nan Pathian nih cu bantuk tuah cu an sianh hna lo.

BIACEIHTU 9:36

Cun Gaal nih mi kha a hmuh tik hna ah Zebul cu, “Zohhmanh, tlangpar in mi an rung khi!” tiah a ti. Cun Zebul nih anih cu, “Tlang thla khi minung bantukin na hmuh hna i a si ko lai,” tiah a ti.

BIACEIHTU 9:38

Cun Zebul nih anih cu, “Khuazei ah dah na kaa kha a si cang kun, nangmah nih a si lo mei, ‘Abimelek cu ahodah a si i a rian kan ṭuan hnga cu,’ na rak ti kha. Mah mi hna hi zei i na rak rel lomi kha an si lo maw? Chuak law, i tawng tuah ngat u,” tiah a ti.