BIACEIHTU 9:27 - Lai (Hakha) Common Language Bible 2006

²⁷ Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.

BIACEIHTU 9:27 ပူးပေါင်းရင်းမြစ်များ

SALM 109:17

Mi chiatserh kha a duhmi thil a si — amah cu chiatserh si ve seh.

EXODUS 32:19

Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

EXODUS 32:6

A thaizing zingkate ah cun khangh thawinak sa kha an thawi hna i hawikomhnak thawinak caah saṭil kha an rak put hna. Mi zapi cu ei awk le din awkah an ṭhu i i nuam ngaiin an um.

JEREMIAH 25:30

“Ka chimmi bia vialte cu na thanh hna lai i ‘Bawipa cu cung sangpi khin a rung au lai, A umnak hmunthiang khin khuarit in a rung ri lai. Amah tuurun chungah khan fak piin a huk lai i Mitsur thei a nengtu hna an au thawng bantukin vawleicung mi vialte cungah khan a au lai.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

LEVITIKAS 24:11

Israel minu fapa nih cun Pathian Min cu a vawlhpamh i chiat a serh. Amah cu Moses sinah an ratpi. A nu min cu Shelomith, Dan phun chung mi Dibri fanu a si.

BIACEIHTU 16:23

Cun Filistin bawi hna cu an pathian Dagon sin i raithawinak nganpi pek awk le nuamhnak tuah awkah an i pum; zeitintiah annih nih, “Kan pathian nih kan ral Samson cu kan kut chungah a kan pek cang,” tiah an ti.

BIACEIHTU 8:33

Gideon a thih cangka tein Israel mi cu an i mer hoi i Baal kha hlawhhlang an celhhnawh hoi hna i Baal-berith kha an pathian ah an ser.

BIACEIHTU 9:26

Cun Ebed fapa Gaal cu a rualchan hna he Shekhem ah an i ṭhial i Shekhem khuami hna nih cun amah cungah khan zumhnak an ngei.

BIACEIHTU 9:4

Cun Baal-berith inn chungin ngun phar sawm sarih an pek i cu cun Abimelek nih cun mitoktawlol le mikhongkhol kha aa roih hna i amah kha an zulh.

BIACEIHTU 9:46

Shekhem Innsang i a ummi vialte nih cu thawng cu an theih tikah El-berith inn ralhruang chungah cun an lut.

1 SAMUEL 17:43

Cun Filistin mipa nih cun David cu, “Uico maw ka si i fung he na ka rathnawh?” tiah a ti. Cun Filistin mipa nih cun a pathian hna kha i chalh in David cu chiat a serh.