BIACEIHTU 9:20 - Lai (Hakha) Common Language Bible 2006

²⁰ sihmanhsehlaw cu bantukin a si lo ahcun, Abimelek chung hin mei chuak seh law, Shekhem le Beth-millo khuami kha kangh hna seh; cun Shekhem le Beth-millo khuami chung khan mei chuak ve seh law, Abimelek kha kangh ve seh,” tiah a ti.

BIACEIHTU 9:20 ပူးပေါင်းရင်းမြစ်များ

SALM 140:10

Meiṭil sen nih tlak hna seh law, chuak kho ti loin khor thuk chungah tla hna seh.

SALM 28:4

An tuahmi thil ruangah khan dantat hna, thil ṭhalo an tuahmi vialte ruangah khan, dantat hna. An rianṭuanning in lehrul ko hna hmuh awk an i tlakmi kha pe ko hna.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

BIACEIHTU 9:15

Cun hling nih cun thingkung hna cu, ‘Nannih nih lungthin tak tein nan siangpahrang ca i chiti nan ka thuh a si ahcun, ka thladem ah hin ra u law, rak i dor tuah u; sihmanhsehlaw cu bantukin a si lo ahcun, hlingbur chung cun mei chuak seh law, Lebanon sidar thing khi kangh dih hna seh,’ a ti hna.

BIACEIHTU 9:19

cun nihin ah hin nannih nih Jerubbaal le a chungle cungah lungthin tak in le hmaizahnak in a tuah nan hei si ko ahcun Abimelek cungah cun i lawm ko u law, anih zong nannih cungah i lawm ve ko seh;

BIACEIHTU 9:21

Cun Jotham cu a unau Abimelek kha a ṭih caah a tli i a zam diam i Beer khua ah a kal i khika ah a um.

BIACEIHTU 9:23

Cun Pathian nih Abimelek le Shekhem khuami hna karlak ah khan thlarau ṭhalo a thlah i Shekhem khuami nih khan Abimelek cu an rawi;

BIACEIHTU 9:44

Lo chung i a ummi vialte kha phu hnih hna nih khan an nam hna i an thah lio hna ah khan, Abimelek le a sinah a ummi phu kha an le i khua hauka luhnak ah khan an dir.

BIACEIHTU 9:6

Cun Shekhem khuami vialte le Beth-millo khuami vialte cu an i pum i Abimelek cu Shekhem khua lungphun hram i kuhthing pawngah cun siangpahrang ah an ser.