BIACEIHTU 9:15 - Lai (Hakha) Common Language Bible 2006

¹⁵ Cun hling nih cun thingkung hna cu, ‘Nannih nih lungthin tak tein nan siangpahrang ca i chiti nan ka thuh a si ahcun, ka thladem ah hin ra u law, rak i dor tuah u; sihmanhsehlaw cu bantukin a si lo ahcun, hlingbur chung cun mei chuak seh law, Lebanon sidar thing khi kangh dih hna seh,’ a ti hna.

BIACEIHTU 9:15 ပူးပေါင်းရင်းမြစ်များ

2 SIANGPAHRANG 14:9

Cun Israel siangpahrang Jehoash nih cun Judah siangpahrang Amaziah cu bia a leh i, “Lebanon tlang i a ummi hlingkung nih Lebanon tlang i a ummi sidar thingkung sinah bia a cah i, ‘Na fanu cu ka fapa nupi caah ka pe tuah,’ tiah a ti; cun Lebanon i ram sa pakhat cu a ra i hlingkung cu a lamh i a nan.

SALM 104:16

Lebanon Tlang sidar thingkung cu ruah tampi an hmu, annih cu Bawipa nih amah caah aa cinmi thingkung an si.

SALM 29:5

Bawipa aw nih cun sidar thing kha a khiah dih hna, Lebanon tlang sidar hmanh kha a khiah dih hna.

ISAIAH 1:31

Thing ro cu meici nih a alhter bantukin miṭhawng hna cu amah tuahmi lila nih a hrawh hna lai i cu bantukin an rawhnak cu ahohmanh nih an kham kho lai lo.

ISAIAH 2:13

Lebanon tlang i a ummi sidar thingkung sang vialte hna le Bashan ram i a ummi kuhthing vialte hna cu a hau dih hna lai.

ISAIAH 30:2

Keimah hal hmasa loin Izipt ah an vung kal i bawmhnak an hal hna. Izipt nih kan huppheng seh ti an duh caah Izipt siangpahrang kha an i bochan.

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

EZEKIEL 19:14

Amah nge chung lila khan mei a chuak i a nge vialte cu a kangh dih hna. Uktu bawi hna ca i ṭhiangṭhunh i ser awkah a ṭhawngmi nge a ngei ti lo,’ a ti,” tiah a ti. Hihi ṭah hla cu a si i zapi hmanmi ah a cang lan.

EZEKIEL 31:3

Assiria khi zohhmanh, Lebanon tlang i sidar thing a rak si khah. Aa dawhmi a nge nih khan tupi chung thing kha a lonh hna i An cungah khan i hlorh vengvung in a um.

DANIEL 4:12

A hnah cu an i dawh ngaingai i a thei cu an tam ngaingai caah zeizong vialte kha a cawm khawh hna. A toiah cun ram sa kha an i dor i a nge ah cun vate nih bu an ser; Thilnung vialte nih amah sin cun rawl an hmuh.

HOSEA 14:7

Israel cu ka thladem tangah khua a sa ṭhan lai i rawl kha tam piin an cin lai; Mitsur ruang bantukin an ṭhang hluahmah lai i Lebanon mitsur hang bantukin an min a thang lai.

NAMBAR 21:28

Zeitintiah Heshbon in mei a chuak i Sihon khua in meizik a chuak. Moab siangpahrang Ar kha a kangh, Arnon hmunsang bawi hna zong.

MATTHAI 13:32

Thlaici vialte lakah a hme bik a si, sihmanhsehlaw a ṭhan tikah anhringso kung vialte lakah a ngan bik a si. Thingkung ah a hung cang i a nge ah khan va zong nih bu an ser,” tiah a ti.

BIACEIHTU 9:14

Khi tikah thingkung vialte nih cun hling kha, ‘Nangmah ra law, kan uk tuah,’ tiah an ti.

BIACEIHTU 9:16

“Cucaah Abimelek kha siangpahrang ah nan ser tikah khan nannih nih lungthin tak te le hmaizahnak in nan tuah a si i, cun Jerubbaal le a chungle hna cungah khan, a tuahnak nih a phut bantukin nan tuah a si ahcun —

BIACEIHTU 9:20

sihmanhsehlaw cu bantukin a si lo ahcun, Abimelek chung hin mei chuak seh law, Shekhem le Beth-millo khuami kha kangh hna seh; cun Shekhem le Beth-millo khuami chung khan mei chuak ve seh law, Abimelek kha kangh ve seh,” tiah a ti.

BIACEIHTU 9:44

Lo chung i a ummi vialte kha phu hnih hna nih khan an nam hna i an thah lio hna ah khan, Abimelek le a sinah a ummi phu kha an le i khua hauka luhnak ah khan an dir.

BIACEIHTU 9:49

Cucaah an dihlak in bur khat cio an i sam i Abimelek zulh in ralhruang hngauh in an chiah cio i an cung i ralhruang cu an khangh i cucaah Shekhem Innsang i a ummi vialte zong cu an thi, pa he nu he thong khat tluk an si.