BIACEIHTU 8:27 - Lai (Hakha) Common Language Bible 2006

²⁷ Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.

BIACEIHTU 8:27 ပူးပေါင်းရင်းမြစ်များ

SALM 106:35

an ṭhit an vat lehlam hna i an ziaza kha an i cawn.

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

EXODUS 23:33

Nan ram chungah cun an um lai lo, ka cungah an in sualter sual hna hnga. An pathian kha nan biak hna ahcun cu nih cun nanmah rawhnak kha a chuahter lai,” a ti.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

EZEKIEL 7:20

An hlawn ṭhaṭha cu porhlawtnak ah an hman i cu an hlawn cun fihnungmi siasal kha an ser hna. Cucaah an hlawn cu hmunthur bantuk ah ka ser lai i

HOSEA 2:2

Nan nu cu lem tuah u, Amah cu keimah nupi a si lo maw? Keimah cu a va ka si lo maw? Hlawhhlangnu muisam a kenmi cu a hlawt i a duhtu hna cu a ṭang in a ṭhen hna nakhnga, lem tuah u.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

BIACEIHTU 17:5

Cun Mikah nih cun hmunthiang pakhat a ngei i tlangbawi angki le milem tete a ser hna i, a fapa pakhat cu a thianter i a tlangbawi ah a cang.

BIACEIHTU 18:14

Cun Laish ram ngiat awkah a hung kalmi, mi panga hna nih khan an unau hna cu, “Hi inn hna chungah hin tlangbawi angki le milem tete hna le suaimi milem le thletmi milem an um kha nan hngal maw? Cucaah zeidah nan tuah lai kha ruat tuah u,” tiah an ti hna.

BIACEIHTU 18:17

cun tlangbawi cu kutka luhnak i minung za ruk raltuknak hriamnam aa putmi hna he an dir lioah, ram ngiat awkah a hung kalmi panga hna kha an lut i suaimi milem, tlangbawi angki, milem tete le thletmi milem kha an lak hna.

BIACEIHTU 2:2

hi ram i a ummi hna he hin biakamnak zeihmanh na tuah lai lo; an biakṭheng cu na hrawh dih hna lai,’ tiah ka ti. Sihmanhsehlaw nawl kan pekmi cu na ngai lo. Na tuahmi hi zeidah a si?

BIACEIHTU 2:3

Cucaah atu cu, na hmai in ka ṭhawl hna lai lo, ka ti; sihmanhsehlaw na caah dohtu an si lai i an pathian cu na caah rap an si lai,” tiah a ti.

BIACEIHTU 6:11

Cun Bawipa vancungmi cu a ra i Abiezrit fapa Joash ta a simi kuhthing toiah khan a ṭhu; cucu a fapa Gideon nih Midian mi hna sinin thuh awkah mitsur hang nennak chung i changvut a tuk lio kha a si.

BIACEIHTU 6:24

Cun khika ah Gideon nih Bawipa caah biakṭheng pakhat a ser i ‘Bawipa cu daihnak a si’ tiah min a sak. Nihin ni tiang hin Abiezer mi hna ta a simi Ofrah khua ah cun a um ko.

BIACEIHTU 8:26

Cun a halmi hna sui hnatonh hna cu sui shekel thong khat le za sarih a si: ṭhi le kutkhih le Midian siangpahrang hna nih an i aihmi puan sen duk hna le an kalauk hna i an hngawng i an i oihmi hngawngoih hna lengah.

BIACEIHTU 8:28

Cu bangin Midian cu Israel mi hna hmaiah tei a si i an lu kha an hler ti lo. Cun Gideon chan chungah ram cu kum sawm li dinhnak a hmu.