BIACEIHTU 8:24 - Lai (Hakha) Common Language Bible 2006

²⁴ Cun Gideon nih annih cu, “Thil pakhat bel hal kan duh ko hna; nan dihlak in nan hranchaw chung i hnatonh kha ka pe cio tuah u,” tiah a ti hna. (Zeitintiah Ishmael mi an si caah sui hnatonh an ngei.)

BIACEIHTU 8:24 ပူးပေါင်းရင်းမြစ်များ

GENESIS 24:22

Kalauk kha ti a dinh dih hna hnuah Abraham salpa nih khan a man a fak ngaimi sui hnartonh pakhat kha aa chuah i a hnar ah cun a tonh, cun sui kuthrolh ngan pipi pahnih zong aa chuah i a kut ah khan a hrolh hna.

GENESIS 24:53

Cun sui hlawn le ngun hlawn le hnipuan kha a chuah hna i Rebekah kha a pek hna. A ṭa le a nu zong kha a man a fakmi laksawng a pek hna.

GENESIS 25:12

Hi hna hi Ishmael tefa kha an si, Ishmael cu Sarah salnu Izipt mi Hagar nih Abraham a hrinpiakmi fapa kha a si.

GENESIS 25:13

Ishmael fapa hna an min cu, an chuah ningin, aa chang lengmang in hi ning hin a si: Ishmael fapa upa bik cu Nebaioth a si, cun Kedar, Adbeel, Mibsam,

GENESIS 35:4

Cucaah an i chiahmi ramdang pathian vialte le an i tonhmi hnatonh vialte kha Jakob cu an pek i Shekhem pawng i a ummi kuhthing toiah khan a thuh hna.

GENESIS 37:25

Rawl an ei lioah khin Gilead lei in a rami Ishmael mi khualtlawng bu khat kha an hmuh hna. An kalauk cu mitsur thei car le hangṭamh a phunphun kha Izipt i vung zuar awkah an phor.

GENESIS 37:28

Cun Midian chawlet pawl cu an ra phak tikah Josef cu tikhor chung khan an va chuah i Ishmael mi sinah khan ngun tangka phar kul ah an zuar i annih nih Izipt ram ah khan an kalpi.

1 SIANGPAHRANG 20:11

Cun Israel siangpahrang nih a leh i, “A ralthuam in aa thuammi nih aa phoihmi bantukin tluangkhawn awk a si lo,’ tiah va chim u,” tiah a ti.

EXODUS 12:35

Israel mi nih cun Moses nih a chimh hna bang khan, Izipt mi cu sui hlawn le ngun hlawn le hnipuan kha an hal hna.

EXODUS 32:3

Cucaah mi nih khan an dihlak in an sui tumbul cu an i phoih i Aaron sinah khan an rak put.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

EZEKIEL 7:20

An hlawn ṭhaṭha cu porhlawtnak ah an hman i cu an hlawn cun fihnungmi siasal kha an ser hna. Cucaah an hlawn cu hmunthur bantuk ah ka ser lai i

BIACEIHTU 8:25

Cun annih nih, “Lunglawm tein kan in pek ko lai,” tiah an leh. Cun puan an phah i an dihlak in an hranchaw chung i hnatonh cu, cu chungah cun an chiah cio.

1 SAMUEL 25:11

Ka tuu hmul mettu hna caah ka thahmi sa le ka changreu le ka ti kha i lak in khuazei in an ra ti ka hngalh lomi minung kha ka pek hna lai maw?” tiah a ti.