BIACEIHTU 7:4 - Lai (Hakha) Common Language Bible 2006

⁴ Cun Bawipa nih Gideon cu, “Mi cu an tam tuk rih; tiva ah vun kalpi hna law, khika ah keimah nih kan hneksakpiak hna lai; nangmah sinah, ‘Hi pa hi na sinah kal seh,’ ka timi paoh na sinah an kal lai; cun ‘Hi pa hi na sinah kal hlah seh,’ ka timi paoh cu an kal lai lo,” tiah a ti.

BIACEIHTU 7:4 ပူးပေါင်းရင်းမြစ်များ

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

SALM 33:16

Siangpahrang nih a ral a tei hna cu ralkapbu ṭhawngmi a ngeih caah a si lo ralkap nih a ral a tei cu a thazang a ṭhawn caah a si lo.

SALM 66:10

Maw Pathian, nangmah nih na kan hneksak; ngun cu mei in an thianh bantukin kannih zong na kan hneksak ve.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

BIACEIHTU 7:5

Cucaah mi cu ti ah cun a vun kalpi hna i Bawipa nih Gideon sinah cun, “Uico nih ti a liah bangin a lei in ti a liakmi paoh cu a dang tein na chiah hna lai; cu bantukin ti din awkah khuk bilmi zong,” tiah a ti.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.