BIACEIHTU 7:15 - Lai (Hakha) Common Language Bible 2006

¹⁵ Gideon nih mang le a sullam kong an i chimh cu a theih tikah Pathian kha a biak; cun Israel riahhmun ah khan a ra kir i, “Tho tuah u, zeitintiah Pathian nih Midian ralkapbu cu nan kut chungah an pek cang hna,” tiah a ti.

BIACEIHTU 7:15 ပူးပေါင်းရင်းမြစ်များ

GENESIS 24:48

Ka khuk kaa bil i Bawipa kha ka biak, cun lam ṭha tein a ka hruaitu Pathian, ka bawipa Abraham i a Bawipa kha ka thangṭhat. Amah nih cun ka bawipa i a unau inn ah hin a ka hruai i a fanu kha ka Bawipa fapa caah cun ka hmuh cang.

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

GENESIS 41:11

Zan khat cu mang kan manh veve i kan mang cu sullam an ngei veve.

BIACEIHTU 3:28

Cun anih nih, “Ka zul u; zeitintiah nan ral Moab mi hna cu Bawipa nih nan kut chungah an pek cang hna,” tiah a ti hna. Cucaah an vun zulh i Moab ram zawn i Jordan tannak hna kha an tlaih hna i mi pakhat hmanh an tanter hna lo.

BIACEIHTU 4:14

Cun Deborah nih Barak cu, “Tho tuah, zeitintiah nihin hi Bawipa nih Sisera cu na kut chungah an pek ni a si. Bawipa cu na hmaiah a kal a si lo mei?” tiah a ti. Cucaah Barak cu Tabor Tlang cun amah a zultu mi sang khat he cun an vung kal.

BIACEIHTU 7:11

cun annih nih an chimmi kha nan theih lai i cu hnuah cun an riahhmun cu vung doh awkah na kut cu ṭhawnter an si lai,” tiah a ti. Cun a sinum Purah he khan riahhmun chung i a ummi hriampumi hna ralven buk ah khan an vung kal.

BIACEIHTU 7:14

Cun a hawipa nih cun, “Mah hihi zeidang zeidang si loin Israel mi Joash fapa Gideon i a vainam a si ko cu; Pathian nih Midian le ralkapbu vialte cu a kut chungah a pek cang hna,” tiah a leh.

BIACEIHTU 7:16

Cun mi za thum kha phu thum ah a cheu hna i an dihlak in an kut chungah muko le thawllawng, a chung i meifar a ummi kha, a pek cio hna.

BIACEIHTU 8:7

Cun Gideon nih, “Si ko seh, Zebah le Zalmunna cu Bawipa nih ka kut chung i a ka pek hna tikah ramlak i hling le so ah nan taksa cu kan cilchih te hna lai,” tiah a ti.

1 SAMUEL 1:28

Cucaah Bawipa kha amah cu ka hlanh cang; a nun chung vialte amah cu Bawipa sinah hlanh a si,” tiah a ti. Cun khika ah Bawipa kha an biak.

1 SAMUEL 14:12

Cun ralvengtu ralkapbu hna nih cun Jonathan le a ralthuam putu cu an hei kawh hna i, “Kan sinah hung u law, thil pakhat kan in hmuhsak hna lai,” tiah an hei ti hna. Cun Jonathan nih a ralthuam putu sinah cun, “Hun ka zul tuah; zeitintiah annih cu Bawipa nih Israel mi kut chungah a pek cang hna cuh,” tiah a ti.