BIACEIHTU 6:31 - Lai (Hakha) Common Language Bible 2006

³¹ Sihmanhsehlaw Joash nih a hung chuahhnawhtu vialte hna sinah cun, “Baal cu maw nan ṭanh ko lai? Amah cu maw nan humhak ko lai? Amah a ṭanhtu paoh cu, zing ah hin thah a si lai. A biakṭheng kha chimh a si caah, pathian a si ahcun amah le amah i ṭanh ngat seh,” tiah a ti.

BIACEIHTU 6:31 ပူးပေါင်းရင်းမြစ်များ

1 SIANGPAHRANG 18:27

Cun chun ah khin Elijah nih cun a nihsawh hna i, “Fak piin au ngat u, pathian pei a si cu; khuadang a ruah lio hoi hna maw a si maw, ka khatkhat ah a kal ta rih i maw a si maw, asiloah, khual a tlawng i dik a si ko lai, aa hngilh i ṭhangh a herh zong a si ko lai dah kaw!” tiah a ti hna.

1 SIANGPAHRANG 18:29

Cun ni cu a run i mer i thlet thawinak caan tiang an au cuahmah ko, sihmanhsehlaw zei aw hmanh a um lo; zeihmanh nih a let hna lo, ahohmanh nih zei ah a rel hna lo.

1 SIANGPAHRANG 18:40

Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

ISAIAH 41:23

Hmailei thil um ding kha kan chim tuah u — cu ti nan chim khawh ahcun pathian nan si kha kan hngalh lai. Ṭhatnak pakhat tal, chiatnak pakhat tal tuah u law cuticun thinphang awlok chong in kan um lai i cuticun ta pathian nan si le si lo cu kan hngalh fam hnga.

ISAIAH 46:1

Atu cu Babilon pathian kha donghnak an phan cang! Hlanah cun Bel le Nebo kha an rak biak hna, sihmanhsehlaw atu cu laa cungah khan an khin hna i a tha a bami saram caah phorhrit an si cang.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 10:5

Cu bantuk siasal hna cu zil dum i ritṭih thlaimi bantuk ceo an si ko, an holh kho lo; An kal khawh lo caah a phorh in phorh an herh. Annih cu ṭih hna hlah u, harnak zeihmanh an tuah kho lo, Ṭhatnak zong zeihmanh an tuah kho fawn lo.

NAMBAR 14:6

Cun Nun fapa Joshua le Jefunneh fapa Kaleb, ram a hung ngia thlaitu hna lak i aa tel vemi hna nih khan an puan an thleh i,

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

BIACEIHTU 6:30

Cun khuami hna nih cun Joash cu, “Na fapa cu rak chuahpi, Baal biakṭheng cu a chimh i a pawng i a ummi Asherah cu a hau caah a thih awk a si,” tiah an ti.

BIACEIHTU 6:32

Cucaah amah cu khi ni ah Jerubbaal tiah min sak a si, a sullam cu, a biakṭheng kha a chimh dih caah, “Baal nih amah cu doh tuah ngat seh,” ti a si.

1 SAMUEL 12:11

Cun Bawipa nih Jerubbaal le Barak le Jepthah le Samuel kha a run thlah hna i nan pawngkam i a ummi nan ral hna kut chungin an chuah hna i him tein khua nan sa.