BIACEIHTU 6:22 - Lai (Hakha) Common Language Bible 2006

²² Khi tikah Gideon nih amah cu Bawipa vancungmi a si kha a hngalh; cun Gideon nih, “Aize, maw Bawipa Pathian! Atu cu Bawipa vancungmi cu hmaitonh in ka hmuh cang cu ta,” tiah a ti.

BIACEIHTU 6:22 ပူးပေါင်းရင်းမြစ်များ

GENESIS 16:13

Hagar nih cun amah le amah kha, “A ka hmutu cu ka hmuh taktak ko maw?” tiah aa hal i cucaah Bawipa cu, “Nang cu mi a hmutu Pathian na si,” ti min in a auh.

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

GENESIS 32:31

‘Jakob nih Peniel in a chuah ah ni zong a chuak ve, a khel ruangah cun a bei.

EXODUS 33:20

Cun Bawipa nih cun aa thawh ṭhan i, “Ka hmai cu na hmu kho lai lo, zeicahtiah ka hmai a hmumi cu ahohmanh an nung kho lo.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 12:41

Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

DEUTERONOMI 5:24

cun nannih nih, ‘Zohhmanh, Bawipa kan Pathian nih a sunparnak le lianngannak kha a kan hmuhsak cang i a aw cu mei chungin kan theih cang; nihin ni ah hin Pathian nih minung he bia aa ruah nain minung nih a nun ko kha kan hmuh.

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

DEUTERONOMI 5:5

Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:

BIACEIHTU 6:23

Sihmanhsehlaw Bawipa nih cun a chawnh i, “Na cungah daihnak um ko seh; ṭih hlah, na thi lai lo,” tiah a ti.