BIACEIHTU 6:20 - Lai (Hakha) Common Language Bible 2006

²⁰ Cun Pathian vancungmi nih cun a sinah, “Sa le thilnu cawh lo changreu kha la hna law, hi lung cungah hin chia hna, cun a hang kha toih hna,” tiah a ti. Cun cu bang cun a tuah.

BIACEIHTU 6:20 ပူးပေါင်းရင်းမြစ်များ

GENESIS 18:3

“Bawipa, Ka inn ah tang ta loin kei santlailo pa hi, ka lanhtak sawh hlah.

BIACEIHTU 13:15

Manoah nih Bawipa vancungmi cu, “Zaangfahnak tein, in tlai u si law, meheh fa pakhat in in timhtuahpiak u sih,” tiah a ti.

BIACEIHTU 13:16

Cun Bawipa vancungmi nih Manoah sinah cun, “Ka tlai hmanh law, na rawl cu ka ei lai lo; sihmanhsehlaw khangh thawinak kha na timh a si ahcun Bawipa sinah pechan ko,” tiah a ti. (Zeicahtiah Manoah nih amah kha Bawipa vancungmi a si cu a hngal lo.)

BIACEIHTU 13:19

Cucaah chang thawinak he tiah meheh fa cu Manoah nih a lak i lungpi cungah Bawipa sinah a pekchanh, khuaruahharnak a tuahtu sinah cun.

BIACEIHTU 6:19

Cucaah Gideon cu a inn chungah a vung lut i meheh fa pakhat le changvut ephah pakhat in sermi thilnu cawh lo changreu kha a timhlamh; sa cu bawm chungah a khumh i a hang cu um chungah a chiah i a sinah kuhthing toiah cun a rak put hna i a pekchanh.

BIACEIHTU 6:21

Khi tikah Bawipa vancungmi nih a kut i aa putmi ṭhiangṭhunh par cun, sa le thilnu cawh lo changreu kha a hei sawh hna i a tawngh hna; cun lung cun mei a tho i sa le thilnu cawh lo changreu cu a kangh dih hna; cun Bawipa vancungmi cu a mit hmuh lo ah a lo.