BIACEIHTU 6:18 - Lai (Hakha) Common Language Bible 2006

¹⁸ Nangmah sinah ka rat i ka laksawng ka rak put i na hmai i ka chiah hlantiang cu, hika hin i ṭhial sawh hlah tiah kan nawl,” tiah a ti. Cun anih nih, “Na kir ṭhan hlantiang ka um ko lai,” tiah a ti.

BIACEIHTU 6:18 ပူးပေါင်းရင်းမြစ်များ

GENESIS 18:3

“Bawipa, Ka inn ah tang ta loin kei santlailo pa hi, ka lanhtak sawh hlah.

GENESIS 18:5

Rawl tlawmpal tein in serpiak hna ning law ei ta u law cun nan bat a dam in nan lan te lai. Ka inn nan ra phan cang ṭung i rawl ei ta lo cu ka sia a herh,” a ti. Annih nih, “A ṭha ko, na chim bantuk cun tuah ko,” tiah an leh.

GENESIS 19:3

Sihmanhsehlaw a nawl lengmang hna i a donghnak ah a inn ah cun an kal. Lot nih cun changreu kha a ser i rawl thaw ngai a serpiak hna i annih nih an ei.

BIACEIHTU 13:15

Manoah nih Bawipa vancungmi cu, “Zaangfahnak tein, in tlai u si law, meheh fa pakhat in in timhtuahpiak u sih,” tiah a ti.

BIACEIHTU 6:17

Cun anih nih, “Nangmah sinah mithmai ṭha ka hmuh a si ahcun, nangmah cu a ka chawntu na si tinak ah hmelchunhnak pakhat ka hmuksak tuah.

BIACEIHTU 6:19

Cucaah Gideon cu a inn chungah a vung lut i meheh fa pakhat le changvut ephah pakhat in sermi thilnu cawh lo changreu kha a timhlamh; sa cu bawm chungah a khumh i a hang cu um chungah a chiah i a sinah kuhthing toiah cun a rak put hna i a pekchanh.