BIACEIHTU 6:15 - Lai (Hakha) Common Language Bible 2006

¹⁵ Cun anih nih a sinah, “Bawipa, kan nawl ko, zeitindah Israel cu ka chuah khawh lai? Zohhmanh ka phun cu Manasseh chungah a der bik a si i kanmah innchungkhar chungah keimah cu a hme bik ka si,” tiah a ti.

BIACEIHTU 6:15 ပူးပေါင်းရင်းမြစ်များ

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

EXODUS 3:11

Moses nih khan Pathian cu, “Faro sinah va kal i Israel mi Izipt ram in chuahpitu dingah cun kei cu ka tlak lo,” a ti.

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 50:45

Cucaah Babilon cungah Bawipa nih khua a khanmi le Khaldi mi hna ram cung i aa tinhmi hi thei tuah hna u: Tuurun chung i a no tete hna cu kalpi an si lai i An tlonnak hmun cu an cung i a tlungmi thil ruangah cun khuaruahhar in a um lai.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

LUKA 1:34

Mary nih vancungmi cu a thawh i, “Ngaknu thiang ka si ṭung, zeitindah hihi cu a si khawh lai?” tiah a ti.

1 KORIN 15:9

zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

BIACEIHTU 6:11

Cun Bawipa vancungmi cu a ra i Abiezrit fapa Joash ta a simi kuhthing toiah khan a ṭhu; cucu a fapa Gideon nih Midian mi hna sinin thuh awkah mitsur hang nennak chung i changvut a tuk lio kha a si.

1 SAMUEL 18:23

Cun Saul sinum hna nih hi bia cu David hna theih ah an chim. Cun David nih, “Keimah bantuk misifak le aho zei rel a tong lomi caah hin, siangpahrang tupa si hi thil hmetuai ah dahra nan rel hi?” tiah a ti.

1 SAMUEL 9:21

Cun Saul nih a leh i, “Keimah cu Israel phun hna lakah a hme bik Benjamin phun mi ka si lo maw? Cun ka chungle hna cu Benjamin phun chung i a ummi chungkhar vialte hna lakah a nauta bik an si lo maw? A si kun ahcun, zeicahdah mah bantuk hin ka sinah bia na chim?” tiah a ti.