BIACEIHTU 6:13 - Lai (Hakha) Common Language Bible 2006

¹³ Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti.

BIACEIHTU 6:13 ပူးပေါင်းရင်းမြစ်များ

GENESIS 25:22

A chung i a ummi faphir pa veve a simi cu pakhat le pakhat an i nam len tikah cun aa thawh i, “Hi bantukin a si ding a si ahcun, zeicahdah ka thih ko lo?” a ti. Cun Bawipa sinah a sullam hal awkah a kal i,

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

SALM 27:9

keimah cu ka thuhtak sawh hlah. Ka cungah na thinhung hlah, na sal hi ka ṭhawl sawh hlah. Maw Pathian, ka Khamhtu, nangmah cu a ka bawmtu na si, ka kaltak hlah, ka chia ta sawh hlah.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

SALM 44:2

Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

SALM 44:9

Sihmanhsehlaw atu cu maw Pathian, na kan hlawt cang i kan ral nih khan an kan tei cang; kan ralkap hna kha na kalpi ti hna lo.

SALM 89:49

Maw Bawipa, hlanlio i na dawtnak na rak langhtermi hna kha khuazei ah dah an si dih? David bia na rak kamhmi kha tah, khuazei ah dah an um kun?

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

JEREMIAH 23:33

Hi mi hna nih si hna seh, profet nih si hna seh, tlangbawi nih si hna seh, ‘Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 29:24

miphun vialte nih, ‘Zeicaahdah Bawipa nih hi ram cungah hi bangin a tuah? Hi thinhunnak a linhnak hi zei sullam dah a si?’ an ti lai.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

BIACEIHTU 6:1

Israel mi nih Bawipa mithmuh i a ṭha lomi kha an tuah i Bawipa nih Midian kut chungah kum sarih a pek hna.

BIACEIHTU 6:12

Cun Bawipa vancungmi cu a sinah a lang i a sinah, “Bawipa cu na sinah a um, nang a ṭhawng i ralṭha pa,” tiah a ti.