BIACEIHTU 5:31 - Lai (Hakha) Common Language Bible 2006

³¹ “Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.

BIACEIHTU 5:31 ပူးပေါင်းရင်းမြစ်များ

2 SAMUEL 18:31

Cun zohhmanh, Kush mi kha a ra phan i Kush mi nih cun, “Siangpahrang ka bawipa caah thawng ṭha! Zeitintiah nihin ah Bawipa nih nangmah doh awkah a thomi vialte hna ṭhawnnak chung khan nangmah cu an luatter cang,” tiah a ti.

2 SAMUEL 18:32

Siangpahrang nih Kush mipa cu, “Tlangval Absalom cu a dam maw?” tiah a ti. Cun Kush mipa nih khan, “Siangpahrang ka bawipa i a ral hna le ṭhat lonak tuah awk i nangmah an thawhhnawhtu vialte hna cu, kha tlangvalpa bantuk kha si ko hna seh,” tiah a ti.

2 SAMUEL 23:4

Khuadawm a thiangmi zing i a hung ceumi ni bantuk, Zinglei ceunak bantuk khin annih cungah a rung ceu, Vawlei in ram a khohtertu ruah bantuk a si.

SALM 19:6

Vanhramdeng khattelei khin aa thawk i khattelei ah a kal. A linhnak in aa thup khomi thil zeihmanh an um lo.

SALM 20:8

Annih cu an ril i an tlu lai. sihmanhsehlaw kannih cu kan tho lai i, fek tein kan dir lai.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

SALM 89:36

Tefa a ngei zungzal hna lai i ni a tlan chung paoh cu a pennak kha keimah nih ka cawnghpiak lai.

SALM 89:37

Thlapa cu van ah khin zumhawktlak tehte a si bantukin cu thlapa bantuk cun a pennak cu a fek lai,” na ti. Selah

SALM 91:14

Pathian nih, “A ka dawmi cu ka khamh hna lai i a ka hngalmi cu ka huhphenh hna lai.

SALM 92:10

Nangmah nih fungtum bantuk ṭhawng ah na ka ser; thluachuahnak na ka pek i ka lung aa lawm.

SALM 92:9

Na ral cu an thi lai i miṭhalo vialte cu raldohnak ah an sung lai i an i ṭhek dih lai ti kha kan hngalh.

SALM 97:10

Ṭhat lonak a huami kha Bawipa nih a dawt hna, a mi kha a huhphenh hna i miṭhalo mi pawl kut chung khan a chuah hna.

SALM 97:8

Bawipa, nangmah nih na tuahmi biathlehnak ruangah, Zion mi cu an lung aa lawm i Judah ram khua hna cu an tha a nuam.

EXODUS 20:6

Asinain a ka daw i ka nawlbia a zulmi hna cungah cun chan thong khat tiangin a fekmi ka dawtnak kha ka langhter.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

1 KORIN 8:3

Sihmanhsehlaw Pathian a dawmipa kha Pathian nih a hngalh.

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

BIAPHUAN 1:16

A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

BIACEIHTU 3:11

Cucaah ram cu kum sawm li aa din. Cun Kenaz fapa Othniel cu a thi.

BIACEIHTU 3:30

Cucaah cu ni ah cun Moab cu Israel kut tangah an sung. Cun ram cu kum sawm riat chung aa din.