BIACEIHTU 5:30 - Lai (Hakha) Common Language Bible 2006

³⁰ ‘Hranchaw kha an hmu i an i phaw, a si lai lo maw? Pa pakhat caah nu pakhat maw pahnih cio dik; Sisera caah si in chumhmi puan hranchaw, Puan hranchaw si in chumh i tenhmi, Ka hngawng i i ngerh awkah, si in chumhmi puan tenhmi pahnih,’ a ti.

BIACEIHTU 5:30 ပူးပေါင်းရင်းမြစ်များ

GENESIS 37:3

Josef cu a tar hnu i a hrinmi a fa a si caah Israel nih khan a fale dang nakin a dawt khun i angki leng a saumi ban fual kha a serpiak.

2 SAMUEL 13:18

Amah cu angki fualpi, ban ngeimi aa hruk; zeitintiah cu bang cun hlan lioah cun, siangpahrang fanu thiang hna cu an i thuam tawn. Cucaah a sinum nih cun amah cu a chuah i innka cu a hrenhkanh.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 45:14

A puan dawh ngaimi he cun siangpahrang sinah khan an hei kalpi, a mawle nih khan an zulh i anmah zong cu siangpahrang sin tiang an kal ve.

SALM 68:12

“Siangpahrang hna le an ralkap hna cu an zam cang,” an ti. Inn i a ummi nu hna nih khan, hranchaw an tlaihmi kha an rak i phaw;

EXODUS 15:9

Ral nih khan an i thawh i, ‘Kan dawi hna lai, kan tlaih hna lai; an chawva cu kan i ṭhen lai i kan duhmi paoh kha kan i lak lai. Kan vainam kha kan i chuah lai i an ngeihmi thil vialte kha kanmah ṭhawnnak thawngin kan chuh hna lai,’ an ti.

EXODUS 27:16

Luhnak kutka ca puanzar cu pe sawm thum a si lai i tuuhmul a dummi le a senmi le a sendungmi le khumla hmangṭhia a hrual in tahmi a si lai i thawi in ṭamhmi a si lai. Tung danh pali chungah a dirmi tung pali cungah zar a si lai.

PHUNGTHLÛKBIA 16:19

Misifak hna he toidornak lungthin in um cu, miporhlaw hna he hranchaw i ṭhenh nakin a ṭha deuh.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

BIACEIHTU 5:19

“Siangpahrang an ra, an rak doh hna; Khi tikah Taanak ah, Megiddo ti pawngah, Kanaan siangpahrang cu an doh hna; Ngun hranchaw zeihmanh an hmu lo.

BIACEIHTU 5:29

A nu fim bik hna nih khan an leh, Asilo, amah le amah aa let ṭhan ko,