BIACEIHTU 5:22 - Lai (Hakha) Common Language Bible 2006

²² “Khi tikah rangtum ke thawng cu, A rangtum ṭhawng hna an i chaih len thawng he, Fak piin a thang.

BIACEIHTU 5:22 ပူးပေါင်းရင်းမြစ်များ

JOB 39:19

“Rangtum cu a ṭhawnnak kha nangmah nih na pek maw? A hngawng kha a tuang in na thuamh maw?

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

SALM 33:17

Ral teinak caah ral tuknak rang hi san an tlai lo. a nganmi an ṭhawnnak nih a khamh kho hna lo.

ISAIAH 5:28

An cantiang cu a har ngaingai i an likuk cu i kuai pengpung in an um. An rang cu an tin kha ṭeklung bantukin an hak, an rangleng kekual hna cu phuchim herh in an i herh.

JEREMIAH 47:3

An rangtum hna tin khawn thawng cu ngai hmanh! An rangleng hna an rung choi cukmak thawng le an rangleng ke rilh thawng cu! Pale nih an fale caah zeihmanh an ruat kho ti lo; An kut nih zeihmanh a tuah kho ti lo.

JEREMIAH 47:4

Zeicahtiah Filistin mi vialte hna hrawhnak ni cu a phan cang i Khuavengtu ralkap an dih cikcek tiangin Tair le Sidon cu hrawh an si lai. Kaftor tikulh in a rami Filistin mi hna cu Bawipa nih a hrawh hna lai.

JEREMIAH 8:16

An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

EZEKIEL 27:14

Beth-togarmah mi hna nih na lungthu hreng chaw caah rangtum le rangpi le laa kha an in tarh.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.