BIACEIHTU 5:21 - Lai (Hakha) Common Language Bible 2006

²¹ Kishon tiva nih a fenh hna, A luangmi ti tha, Kishon tiva tha nih cun, a fenh hna. Hmailei ah ṭhawnnak he kal chin ko, ka nunnak!

BIACEIHTU 5:21 ပူးပေါင်းရင်းမြစ်များ

GENESIS 49:18

“Maw Bawipa na khamhnak cu ka hngak ko.

1 SIANGPAHRANG 18:40

Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

SALM 44:5

Na ṭhawnnak in kan ral cu kan tei hna; nangmah nih na kan umpinak thawngin kan ral cu kan tei hna.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

BIACEIHTU 4:13

Sisera nih cun a rangleng vialte, thir rangleng za kua kha le amah sin i a ummi vialte kha Harosheth-hagoiim in Kishon tiva ah a pumh hna.

BIACEIHTU 4:7

cun Jabin ralbawi bik Sisera cu a rangleng hna le a ralkap hna he nangmah kha Kishon tiva pawng i rak in doh awkah, ka hnuh lai i amah cu nangmah kut chungah kan pek lai,’ an ti lo maw?” tiah a ti.