BIACEIHTU 5:1 - Lai (Hakha) Common Language Bible 2006

¹ Cun khi ni ah Deborah le Abinoam fapa Barak nih hla an sa i,

BIACEIHTU 5:1 ပူးပေါင်းရင်းမြစ်များ

2 SAMUEL 22:1

Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

2 CHANRELNAK 20:27

Cun annih cu, Judah ram mi le Jerusalem mi vialte cu, Jehoshafat nih a hmaisat hna i an tlung, Bawipa nih an ral hna cungah a lawmhter hna caah lunglawm in an tlung.

JOB 36:24

Mi nih hla in an thangṭhat zungzalmi a rian cu thangṭhat awkah va philh hlah.

SALM 18:1

Maw Bawipa ka ṭhawnnak, nangmah cu kan dawt hringhran ko! Nangmah cu a ka chanhtu na si.

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

EXODUS 15:1

Khi tikah Moses le Israel mi nih hi hla hin Bawipa cu an thangṭhat: “Bawipa nih lianhngannak in a tei cang, rangtum hna le an cung i aa citmi hna cu rili chungah a paih hna, cucaah Bawipa cu hla in ka thangṭhat lai.

EXODUS 15:21

Miriam nih cun hla a sakpi hna i, Bawipa nih lianhngannak in a tei caah Bawipa cu hla in thangṭhat u; rangtum hna le a cung i aa citmi hna kha rili chungah a paih hna,” a ti.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

NAMBAR 21:17

Cu tikah Israel nih mah hla hi an sa: “Maw tikhor, ti hung chuak tuah! Hla in hloi tuah u!

LUKA 1:46

Mary nih aa thawh i: “Thanh tuah, ka lungthin, Bawipa lianhngannak cu.

BIACEIHTU 4:24

Cun Israel mi hna kut cu Kanaan siangpahrang Jabin cungah a ṭhawng chin lengmang i Kanaan siangpahrang Jabin cu an hrawh.

BIACEIHTU 4:4

Khi caan ah profetnu Deborah, Lappidoth nupi nih cun Israel mi cu bia a ceih hna.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.