BIACEIHTU 4:4 - Lai (Hakha) Common Language Bible 2006

⁴ Khi caan ah profetnu Deborah, Lappidoth nupi nih cun Israel mi cu bia a ceih hna.

BIACEIHTU 4:4 ပူးပေါင်းရင်းမြစ်များ

2 SIANGPAHRANG 22:14

Cucaah tlangbawi Hilkiah le Ahikam le Akbor le Shafan le Asaiah kha nu profet Huldah, hnipuan chiahnak zohkhenhtu Harhas fapa Tikvah i fapa Shallum nupi, sinah khan an va kal (amah cu Jerusalem khua chungah Sang Hnihnak ah khan a um); cun amah cu bia an ruah.

NEHEMIAH 6:14

Maw ka Pathian, Tobiah le Sanballat hi an tuahmi thil ning te hin hngal camcin ko hna law profetnu Noadiah le a thinphang seh ti a ka duhmi profet dang vialte hna zong hi hngal camcin ko hna.

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

EZEKIEL 13:17

“Cun atu cu, mipa, i mer law, na mi hna lak i a ummi nu hna, anmah lung chung chuak lawngin bia a chimmi hna kha chim hna.

MIKAH 6:4

Izipt ram in kan chuahpi hna, sal cannak ram in kan tlanh hna; Nanmah hruai awkah Moses le Aaron le Miriam kha ka thlah hna.

LUKA 2:36

Profet nu pakhat, a min Anna an timi zong kha a um ve, amah cu Asher phun chung mi Fanuel fanu kha a si. Amah cu a tar ngaingai cang, a va he kum sarih lawng an rak um ṭi manh i atu cu

LAMKALTU 21:9

Amah nih cun va a ngei lomi fanu pali a ngeih hna i annih nih cun Pathian bia kha an chim.

1 KORIN 11:5

nu an si ahcun thlacam tik le biachim tik i a lu aa khuh lomi nih cun a va cungah ningzahnak a tlunter a si ve; cu nu cu a lu aa kolhmi nu he khan zeihmanh an i dang lo.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

BIACEIHTU 4:3

Khi tikah Israel mi nih Bawipa cu bawmhnak hal in an auh; zeitintiah Jabin nih thir rangleng za kua a ngei i Israel mi cu kum kul chung fak piin a hrem hna.

BIACEIHTU 4:5

Efraim tlangram chung i Ramah le Bethel karlak i a ummi Deborah ungkung tangah khan a ṭhu tawn i an bia ceih awkah Israel mi cu a sinah an ra tawn.

BIACEIHTU 5:1

Cun khi ni ah Deborah le Abinoam fapa Barak nih hla an sa i,