BIACEIHTU 4:14 - Lai (Hakha) Common Language Bible 2006

¹⁴ Cun Deborah nih Barak cu, “Tho tuah, zeitintiah nihin hi Bawipa nih Sisera cu na kut chungah an pek ni a si. Bawipa cu na hmaiah a kal a si lo mei?” tiah a ti. Cucaah Barak cu Tabor Tlang cun amah a zultu mi sang khat he cun an vung kal.

BIACEIHTU 4:14 ပူးပေါင်းရင်းမြစ်များ

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

GENESIS 44:4

Cun khua in lamhla an kal hlanah khin, Josef nih a inn zohtu kha a thawh i, “I tim law va dawi hna. Na phak hna tikah, ‘Zeicahdah thil ṭha cu thil ṭhalo in nan kan lehrulh?

2 SAMUEL 5:24

Cun balsam thing par hna i kal thawng na theih tikah, khi tikah na cawlcang ve lai, zeitintiah khi tikah khan, Bawipa cu na hmaiah Filistin mi ralkapbu kha tuk awkah a kal cang a si lai,” tiah a ti.

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

MIKAH 2:13

Pathian nih lam kha a hunpiak hna lai i a hruai hna lai. Khua kulhnak kutka khan an chuak lai i luat tein an kal lai. An siangpahrang, Bawipa hrimhrim nih cun a hruai hna lai.

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

JOSHUA 10:8

Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

BIACEIHTU 19:28

Anih nih, “Tho law, kal u sih,” tiah amah cu a ti. Sihmanhsehlaw zeihmanh a let lo. Cun a laa cungah a chuan i mipa cu a tho i a inn leiah a kal.

BIACEIHTU 4:10

Cun Barak nih Zebulun le Naftali cu Kedesh ah a auh hna; cun mi sang khat a sinah cun an kal; Deborah zong a sinah a kal ve.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.

1 SAMUEL 9:26

Cun ceu vukvak ah inncung i a ummi Saul cu Samuel nih a auh i, “Tho tuah, ka hei in thlah tuah lai,” tiah a ti. Cucaah Saul cu a tho i Samuel he cun an pahnih in khuachung lam ah khan an va chuak.