BIACEIHTU 3:6 - Lai (Hakha) Common Language Bible 2006

⁶ an fanule cu nupi ah an ṭhit hna i an fanu hrimhrim hna cu, cu hna i an fapale sinah khan an pek hna; cun an pathian zong kha an biak hna.

BIACEIHTU 3:6 ပူးပေါင်းရင်းမြစ်များ

SALM 106:35

an ṭhit an vat lehlam hna i an ziaza kha an i cawn.

EXODUS 34:15

Ram chungmi hna he khan hnatlaknak zeihmanh nan tuah lai lo, zeicahtiah an pathian an biak hnanak ah khan hlawhhlangnu bantukin an um i an pathian hna sinah raithawinak an tuah tikah an in sawm hna lai i an raithawinak sa kha nan va ei sual lai.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

EZEKIEL 16:3

Mah hihi Bawipa Pathian nih a sinah a chimmi bia cu a si, tiah chim: ‘Kanaan ram hi na pupa chuahkehnak ram a si i khika ah nangmah zong hi hrin na si; na pa cu Amor mi a rak si i na nu cu Hit mi a rak si.

JOSHUA 23:12

Nan i mer i hika ah nannih lakah a tang rihmi miphun hna hi nan fonh hna i nan ṭhit nan lak hna i an nu hna kha nan ṭhit hna i annih nih an in ṭhit ve hna ahcun,