BIACEIHTU 21:7 - Lai (Hakha) Common Language Bible 2006

⁷ Kannih nih Bawipa min in kan fanu hna cu an nupi caah kan pe hna lai lo tiah chiat kan ser cang caah, a tang rihmi hna caah cun an nupi caah zeidah kan tuah lai?” tiah an ti.

BIACEIHTU 21:7 ပူးပေါင်းရင်းမြစ်များ

BIACEIHTU 21:1

Cun Israel mi hna nih Mizpah ah khan, “Ahohmanh nih kan fanu hna cu Benjamin mi sinah ṭhit awkah kan pe hna lai lo,” tiah chiat an ser.

BIACEIHTU 21:18

Sihmanhsehlaw kan fanu hna cu nupi caah kan pe kho hna lo,” an ti. Zeitintiah Israel mi nih chiat an ser cang i “Benjamin mi nupi a pemi cu chiat si seh,” an ti.

BIACEIHTU 21:22

Cun annih an pale nih maw an ṭale nih maw kan sinah zai awkah an rat tikah kannih nih annih cu, ‘Raldoh lioah khan an nupi ca ding cio kan rak lakpiak ṭung hna lo, nannih zong nih nan rak pe hna lo, rak pe hna u law, atu ah mawhchiat nan si hnga, cu caah zaangfahnak in kan pe ko hna u,’ tiah kan rak ti hna lai,” an ti.

BIACEIHTU 21:6

Cun Israel mi nih an nau Benjamin cungah cun zaangfahnak an ngei i, “Nihin ah hin Israel mi sinin phun khat cu chok an si.

BIACEIHTU 21:8

Cun annih nih, “Israel miphun hna lakah aho set dah Bawipa sinah Mizpah ah a hung kal lomi a si?” an ti. Cun zohhmanh, Jabesh-gilead in, aa pummi bu sinah riahhmun ah ahohmanh an ra lo.

1 SAMUEL 14:45

Khi tikah mizapi nih Saul sinah cun, “Israel chungah hi teinak nganpi a tuahtu Jonathan cu maw a thi hnga? Naisai hlah! Bawipa a nun bangin, a lu cung a samfa fa khat hmanh vawlei ah a tla lai lo; zeicahtiah nihin ah Bawipa he pei an tuah ṭi leh hi,” tiah an ti. Cuticun mizapi nih Jonathan cu an tlanh; cucaah a thi lo.