BIACEIHTU 21:4 - Lai (Hakha) Common Language Bible 2006

⁴ Cun a thaizing ah mi cu zingka tein an tho i khika ah biakṭheng pakhat an ser i khangh thawinak le daihnak thawinak kha an pekchanh.

BIACEIHTU 21:4 ပူးပေါင်းရင်းမြစ်များ

2 SAMUEL 24:18

Cun cu ni ah Gad cu David sinah a ra i amah cu, “Hung kal law, Jebus mi Araunah phuhri ah Bawipa caah biakṭheng hung ser tuah,” tiah a ti.

2 SAMUEL 24:25

Cun David nih khika ah Bawipa caah biakṭheng a ser i khangh thawinak hna le daihnak thawinak hna kha a pekchanh hna. Cucaah ram ca i nawlnak cu Bawipa nih a cohlan i Israel mi sinin rai cu a ṭian.

1 SIANGPAHRANG 8:64

Cu ni ṭhiamṭhiam ah cun siangpahrang nih Bawipa inn hmai i a ummi tual a laifang kha a thianter; zeicahtiah Bawipa hmai i a ummi dar biakṭheng kha, khangh thawinak le changvut thawinak le daihnak thawinak i a thau hna tlum awk caah a hme tuk i cucaah khika ah khan khangh thawinak le changvut thawinak le daihnak thawinak i a thau hna kha a pekchanh hna.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

HEBRU 13:10

Judah mi biaknak thlam chung i rian a ṭuanmi hna tlangbawi hna nih khan kannih biakṭheng cung i thawimi raithawinak sa einak nawl kha an ngei lo.

BIACEIHTU 20:26

Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

BIACEIHTU 21:3

Cun annih nih, “Maw Bawipa, Israel mi Pathian, zeicahdah Israel mi chungah hi thil hi a hung um i Israel mi lakin nihin ah hin phun khat cu an bau?” tiah an ti.

BIACEIHTU 6:24

Cun khika ah Gideon nih Bawipa caah biakṭheng pakhat a ser i ‘Bawipa cu daihnak a si’ tiah min a sak. Nihin ni tiang hin Abiezer mi hna ta a simi Ofrah khua ah cun a um ko.

BIACEIHTU 6:26

cun hika ralhau cungah hin Bawipa na Pathian caah lung a ningcang te i tian in biakṭheng pakhat ser tuah; cun cawtum pahnihnak kha i lak law, Asherah na hau laimi thing cun khangh thawinak caah pechan tuah,” tiah a ti.

1 SAMUEL 7:17

Cun a inn umnak a si caah Ramah ah a ra kir tawn i khika zongah Israel mi kha biading in bia a ceih hna. Cun khika ah Bawipa caah biakṭheng pakhat a ser.