BIACEIHTU 21:25 - Lai (Hakha) Common Language Bible 2006

²⁵ Khi caan lioah khan Israel mi lakah siangpahrang an um lo; ahopaoh nih anmah duhmi cio kha an tuah ko.

BIACEIHTU 21:25 ပူးပေါင်းရင်းမြစ်များ

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

PHUNGTHLÛKBIA 14:12

Lam dik tiah na ruahmi kha thihnak lei kalnak lam a si kho ko.

PHUNGTHLÛKBIA 3:5

Bawipa kha na lung chung dihlak in i bochan law Nangmah fimnak kha i rinh hlah.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

DEUTERONOMI 12:8

Mi kip nih mah le hmuhning cio ah a ṭha ti i nihin i hika i kan tuah bang hin nan tuah lai lo,

BIACEIHTU 17:6

Khi caan lioah cun Israel mi lakah siangpahrang an um lo; ahopaoh nih anmah le an duhmi cio kha an tuah ko.

BIACEIHTU 18:1

Khi caan lioah cun Israel mi lakah siangpahrang an um lo. Cun khi caan lioah cun Dan phunmi hna cu umnak dingah ro an kawl; zeicahtiah khi caan tiangah Israel phun hna nih an comi ro cu annih nih an co ve rih lo.

BIACEIHTU 18:7

Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.

BIACEIHTU 19:1

Khi caan lioah, Israel chung i siangpahrang an um lo lioah khan, Levi mi pakhat cu Efraim tlangram a ken ah a pem i Judah ram Bethlehem khua in nuchun pakhat aa lak.

BIACEIHTU 21:24

Cun Israel mi cu khi caan ah khika in anmah le an phun le an innchungkhar sin cio ah khan an kir i, khika in anmah le an covo ram cio ah khan an kal.