BIACEIHTU 20:34 - Lai (Hakha) Common Language Bible 2006

³⁴ Israel mi lakin thim cikcekmi sang khat hna nih khan Gibeah cu an chuahhnawh i an i doh cu a fak. Sihmanhsehlaw Benjamin mi hna nih rawknak nih a kan naih ti kha an hngal lo.

BIACEIHTU 20:34 ပူးပေါင်းရင်းမြစ်များ

JOB 21:13

Rumnak in an chan cu an hman i daihnak in Sheol ah cun an vung kal.

PHUNGTHLÛKBIA 29:6

Miṭhalo cu amah sualnak nih khan a foih, Sihmanhsehlaw miding cu an i lawm i an luat.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

MATTHAI 24:44

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

JOSHUA 8:14

Cun Ai khua siangpahrang nih mah hihi a hmuh tikah amah le a mi vialte, khua chung i a ummi pa hna cu, khulrang in zingka tein Arabah lei i vung zuanchuknak ah khan Israel mi cu raldohnak hmun i ton awkah an kal; sihmanhsehlaw amah dohtu ah khua hnulei ah lamhruang attu an um ti kha a hngal lo.

BIACEIHTU 20:35

Cun Bawipa nih Benjamin cu Israel hmaiah a tei; Israel mi nih khi ni ah Benjamin mi cu sang hnih thong nga za khat an thah hna. Hi mi hna cu vainam tlai an si dih.