BIACEIHTU 20:26 - Lai (Hakha) Common Language Bible 2006

²⁶ Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

BIACEIHTU 20:26 ပူးပေါင်းရင်းမြစ်များ

GENESIS 28:19

Cu hmun cu a min ah Bethel a sak. (Cu hlanah cun cu khua cu a min ah Luz rak ti a si).

2 SAMUEL 3:35

Cun mi vialte nih David cu chun a si rih lioah khan rawl ei fial awkah an ra, sihmanhsehlaw David nih chiat a ser i “Ni a tlak hlan i changreu siseh, zeipaoh siseh ka teh ahcun, Pathian nih hi bangin le hi nak tam deuh zongin ka cungah tuah ko seh!” tiah a ti.

2 CHANRELNAK 20:3

Khi tikah Jehoshafat cu a thin a phang i Bawipa kawl awk kha aa tim i Judah ram chung vialte ah khan rawl ulhnak a thanh.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

JEREMIAH 36:9

Judah siangpahrang Josiah fapa Jehoiakim a bawi kum nga kum, thla kuanak thla ah Jerusalem i a ummi vialte hna le Judah ram chung khua hna in a rami vialte hna nih Bawipa hmaiah rawl ulhnak kha an tuah.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

JOSHUA 24:1

Cun Joshua nih Israel miphun vialte kha Shekhem ah a pumh hna i Israel mi upa hna le lu hna le biaceihtu hna le bawi hna kha a auh hna; cun Pathian hmaiah an hung chuak.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.

BIACEIHTU 20:18

Israel mi cu an tho i Bethel ah an hung kal i Pathian kha an hal, “Kannih lakah hin ahodah Benjamin doh awkah a kal hmasa bik lai?” an ti. Cun Bawipa nih, “Judah a hung kal hmasa bik lai,” a ti.

BIACEIHTU 20:23

Cun Israel mi nih an hung kal i Bawipa hmaiah zanlei tiang an ṭap; “Kan unau Benjamin mi hna he i doh awkah kan hung kal ṭhan lai maw?” ti in Bawipa kha an hal. Cun Bawipa nih, “Hung doh ṭhan hna u,” a ti.

BIACEIHTU 20:25

A ni hnihnak ni ah cun Gibeah in Benjamin cu annih kha doh awkah a chuak i Israel mi chungin sang khat le thong riat a hrilh hna; an dihlak in vainam pumi an si.

BIACEIHTU 21:2

Cun mi hna cu Bethel ah an ra i Pathian hmaiah zanlei tiang an ṭhu i aw thang piin, lunghno ngaiin an ṭap.

BIACEIHTU 21:4

Cun a thaizing ah mi cu zingka tein an tho i khika ah biakṭheng pakhat an ser i khangh thawinak le daihnak thawinak kha an pekchanh.

1 SAMUEL 11:4

Lamkaltu hna cu Saul khua Gibeah i an rat tikah mi hna theih ah cu kong cu an chim i mi vialte cu thang piin an ṭap dih.

1 SAMUEL 7:6

Cucaah Mizpah ah an i pum i ti an than i Bawipa hmaiah an thlet i khi ni cu rawl an ul. Khika ah annih nih, “Bawipa cungah kan sual cang,” tiah an ti. Cun Samuel nih Israel mi cu Mizpah ah bia a ceih hna.