BIACEIHTU 20:22 - Lai (Hakha) Common Language Bible 2006

²² Sihmanhsehlaw Israel mi cu an i serh ṭhan i hmasa bik ni i an ṭan hmun khuarnak hmun ah khan ṭan hmun an khuar ṭhan.

BIACEIHTU 20:22 ပူးပေါင်းရင်းမြစ်များ

2 SAMUEL 11:25

David nih zualko sinah cun, “Hi bangin Joab sinah cun, ‘Hi thil hi na lungre i theihter hlah, zeicahtiah vainam nih cun atu ah pakhat, cun a hnuah a dang pakhat tiin pei a thah phung a si ko cu; khua na dohnak cu ṭhawnter chin law hrawk dih tuah,’ a ti tiah na va chim lai. Cun amah cu thazang na va pek lai,” tiah a ti.

SALM 64:5

Thil ṭhalo tuahnak ding khua an khanmi ah khan, pakhat le pakhat thazang an i pe, khuazei ah dah kan rap kha kan chiah hna lai tiah an i ceih. “Kan rap cu ahohmanh nih hmu hna hlah seh,” an ti.

BIACEIHTU 20:15

Cun khi ni ah Benjamin mi hna nih an khua hna chungin vainam pumi an pumhmi hna cu sang hnih le thong ruk an si, Gibeah i a ummi hna nih an thim cikcekmi za sarih hna hleiah khan.

BIACEIHTU 20:17

Cun Israel mi nih, Benjamin chim loin, vainam pumi sing li an pumh hna; hi mi vialte cu raltuk thiammi an si dih.

BIACEIHTU 20:21

Benjamin mi hna nih Gibeah chungin an hung chuak i khi ni ah Israel mi cu sang hnih le thong hnih an hrilh hna.

BIACEIHTU 20:23

Cun Israel mi nih an hung kal i Bawipa hmaiah zanlei tiang an ṭap; “Kan unau Benjamin mi hna he i doh awkah kan hung kal ṭhan lai maw?” ti in Bawipa kha an hal. Cun Bawipa nih, “Hung doh ṭhan hna u,” a ti.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.