BIACEIHTU 20:13 - Lai (Hakha) Common Language Bible 2006

¹³ Cucaah atu ah kha mi hna, Gibeah i a ummi mi zei ruaram lo hna kha, kan thah hna i ṭhat lonak cu Israel chungin kan thianh naklai, kan pe hna u,” an ti. Sihmanhsehlaw Benjamin mi hna nih cun an unau Israel mi hna bia kha an ngai duh lo.

BIACEIHTU 20:13 ပူးပေါင်းရင်းမြစ်များ

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

2 SAMUEL 23:6

Sihmanhsehlaw Pathian zei i a rel lomi hna cu, Hlonhmi hling bantuk an si; Zeitintiah annih cu kut in lak khawh an si lo;

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

2 CHANRELNAK 13:7

cun Rehoboam cu a no i lungthin fek a ngeih rih hlanah khan, mizeiruaramlo le santlailo pawl kha a sinah an i ṭom i Solomon fapa Rehoboam cu an doh i anih nih a rak celh hna lo.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

2 CHANRELNAK 25:20

Sihmanhsehlaw Amaziah nih a ngai duh lo; zeicahdah a si ti ahcun, anih nih Edom pathian hna kha a kawl hna caah a ral hna kut chung i pek ding kha Pathian nih a tuahmi a si.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

PHUNGCHIMTU 11:10

Zeihmanh nan lungre i theihter hlah u, zeihmanh fahnak i pekter hlah u. Saupi na no ti lai lo.

HOSEA 10:9

Gibeah i sualnak an rak tuahnak thawk khan ka cung i sualnak tuah hi Israel mi nih an ngol rih lo. Cucaah ral nih Gibeah ah a phak hna lai.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

2 KORIN 6:15

Zeitindah Khrih le Khuachia cu an lung aa khah khawh lai? Zumtu le zumlotu nih zeidah an ngeih ṭi khawhmi a um?

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

DEUTERONOMI 17:12

Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

DEUTERONOMI 17:7

Thah ding hnga cung i kut a thla hmasa biktu cu biahngaltu kha an si lai i, cu hnuah cun mi vialte kut kha an si lai. Cuticun nan lakin ṭhat lonak cu nan thianh lai.

DEUTERONOMI 19:19

a unau cung i tuah a rak i tinhmi bantuk khan a cungah nan tuah lai; cuticun nan lakin ṭhat lonak cu nan thianh lai.

DEUTERONOMI 21:21

Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

DEUTERONOMI 22:24

khi khua hauka ah an pahnih in nan chuahpi hna lai i lung in thi lakin nan cheh hna lai, nu cu, khua chungah a um nain bawmhnak hmuh awkah a au lo caah; pa cu, a innpa nupi kha a sual caah; cuticun ṭhat lonak cu nan lakin nan thianh lai.

DEUTERONOMI 24:7

“Ahohmanh nih Israel mi chungin a unau pakhatkhat kha a fir i sal bantukin a tuah i a zuar i hngalh a si ahcun, mifirtu cu thah a si lai; cu bangin ṭhat lonak cu nan lakin nan thianh lai.

BIACEIHTU 19:22

Cun annih nih thanuam in an um lioah khan, zohhmanh, cu khua chung i zei ruaram lomi hna nih cun inn kha an kulh i innka kha an cumh len. Cu inn ngeitu tarpa kha, “Na inn ah a lutmipa kha kan theihhngalh nakhnga hun chuahpi tuah,” tiah an ti.

BIACEIHTU 20:12

Cun Israel miphun hna nih Benjamin phun chung dihlak ah khan mi an thlah hna i, “Nan lak i a chuakmi hi zei ṭhat lonak dah a si?

BIACEIHTU 20:14

Cun Benjamin mi hna cu Israel mi he i tuknak hmun i kal awkah Gibeah i khua hna cun an chuak.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.

1 SAMUEL 30:22

Khi tikah David sin i a kalmi miṭhalo hna le misual hna nih khan an thawh i, “Annih cu kan sinah an kal lo caah kan va lak ṭhanmi hranchaw hi zeihmanh kan pe hna lai lo, amah belte, an nupile le an fale cio kha i hruai hna seh law, kal ko hna seh,” tiah an ti.