BIACEIHTU 20:1 - Lai (Hakha) Common Language Bible 2006

¹ Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.

BIACEIHTU 20:1 ပူးပေါင်းရင်းမြစ်များ

2 SAMUEL 19:14

Cun Judah mi vialte kha minung pakhat lungthin bantukin an lungthin kha a lak dih hna i cucaah annih nih siangpahrang cu bia an hei cah i, “Nangmah he na sinum vialte he ra kir dih u,” tiah an ti.

2 SAMUEL 2:9

Gilead le Asshur mi hna le Jezreel le Efraim le Benjamin le Israel vialte cung i siangpahrang ah a ser.

2 SAMUEL 24:2

Cucaah siangpahrang nih cun Joab le ralkapbu haotu a sin i a ummi hna kha a thawh hna i, “Israel phun dihlak chungah khan, Dan in Beersheba tiang, i chawk u law, mi kha va rel hna u, mi kha zeizat dah an si hngalh ka duh,” tiah a ti.

1 SIANGPAHRANG 5:5

Cucaah Bawipa nih ka pa David sinah, ‘Nangmah hmun ah, na bawi ṭhutdan cungah ka chiah laimi na fapa nih ka min caah inn cu a sak te lai,’ tiin a rak ti bang khan, Bawipa ka Pathian min caah inn ka sa lai, tiah kaa tim.

2 SIANGPAHRANG 25:23

Cun ramlak i a ummi ralkapbu haotu pawl le an mi hna nih Babilon siangpahrang nih Gedaliah cu uktu ah a ser, ti an theih tikah, Mizpah ah Gedaliah sinah cun an mi hna he khan an ra, cu hna cu Nethaniah fapa Ishmael le Kareah fapa Hohanan le Netofah mi Tanhumeth fapa Seraiah le Maakah mi fapa Jaazaniah an si.

1 CHANRELNAK 21:2

Cucaah David nih cun Joab le ralkapbu haotu hna kha a thawh hna i, “Va kal u law, Israel mi kha Dan in Beersheba tiang va rel hna u, cun zeizat an si kha ka hngalh nakhnga ka chim ṭhan u,” tiah a ti.

2 CHANRELNAK 30:5

Cucaah Israel ram chung dihlak khan, Beersheba in Dan tiang thawng thanh i Jerusalem ah nan ra lai i Bawipa, Israel Pathian i Lanhtak Puai cu nan hman lai tiin mizapi kha thawngthanh awkah khan bia an chuah; zeicahtiah an tining bang khan tampi nih an hmang lo.

EZRA 3:1

Thla sarihnak thla a hung chuah i Israel mi hna cu an khua ah an um tikah, mi cu Jerusalem ah mi pakhat bantukin an i pum.

NEHEMIAH 11:27

Hazar-shual khua le Beersheba khua le a khuate hna ah le

NEHEMIAH 8:1

Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

JEREMIAH 40:6

Cun Jeremiah cu Ahikam fapa Gedaliah sinah khan Mizpah ah cun a ra i ram chung i a tangmi hna lakah khan amah sinah cun a um ve.

NAMBAR 32:1

Reuben fapa hna le Gad fapa hna cu saṭil tampi an ngei. Jazer ram le Gilead ram cu an hmuh i zohhmanh, cu hmun cu saṭil ram a si.

NAMBAR 32:40

Cun Moses nih Gilead cu Manasseh fapa Makhir kha a pek i cuka ah cun a um.

JOSHUA 15:38

Dilean, Mizpah, Jokthe-el,

JOSHUA 17:1

Cun Manasseh phun kha vo pek an si, amah cu Josef fater kha a si. Manasseh fater Makhir, Gilead pa cu ralkap a si caah Gilead le Bashan kha pek a si.

JOSHUA 18:26

Mizpah, Khefirah, Mozah,

JOSHUA 22:12

Cu kong cu Israel mi nih an theih tikah Israel mi nih an dihlak in annih kha doh hna awkah Shiloh ah an i pum.

JOSHUA 22:9

Cucaah Reuben mi hna le Gad mi hna le Manasseh phun cheu cu Kanaan ram chungah a ummi Shiloh khua i Israel mi hna sin cun an ṭhen i an inn ah an kir. Bawipa nih Moses sinin nawl a peknak thawngin an comi an ram Gilead ram ah cun kal awkah an i thawh.

JOSHUA 4:13

ral doh dingah timh cia tein ralthuam in aa thuammi mi sang li tluk, Bawipa hmaiah ral doh awkah, Jeriko nelrawn leiah cun an kal.

BIACEIHTU 10:17

Cun Ammon mi hna cu hriamnam la u, tiah ti an si i Gilead ah an riak; cun Israel mi hna cu hmun khat ah an i pum i Mizpah ah an riak.

BIACEIHTU 11:11

Cucaah Jepthah cu Gilead upa hna sinah cun a kal i mizapi nih cun an lu le an hruitu ah an ser; cun Jepthah nih a bia vialte cu Bawipa hmaiah Mizpah ah a chim.

BIACEIHTU 11:34

Cun Jepthah cu Mizpah i a inn ah a tlung i zohhmanh, a fanu nih amah kha don awkah khuang tete le laam he a hung chuak; amah lawnglawng cu fa a ngei; amah hlei ah fapa siseh fanu siseh a ngei ti hna lo.

BIACEIHTU 18:29

Cun khua cu a min ah, Israel hrinmi Dan an pu min chuankhan in Dan an sak, sihmanhsehlaw cu khua min cu a terte ah cun Laish a si.

BIACEIHTU 20:11

Cucaah Israel mi vialte cu lungthin khat tein cu khua doh awkah an i pum.

BIACEIHTU 20:18

Israel mi cu an tho i Bethel ah an hung kal i Pathian kha an hal, “Kannih lakah hin ahodah Benjamin doh awkah a kal hmasa bik lai?” an ti. Cun Bawipa nih, “Judah a hung kal hmasa bik lai,” a ti.

BIACEIHTU 20:2

Cun mi vialte haotu, Israel phun vialte haotu hna cu, Pathian mi aa pummi hna chungah cun an hung chuak i vainam putmi ralkap sing li an si.

BIACEIHTU 20:26

Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

BIACEIHTU 20:8

Cun mi vialte cu minung pakhat bantukin an tho i, “Ahohmanh kan thlam ah kan kal lai lo i ahohmanh kan inn ah kan tlung lai lo.

BIACEIHTU 21:5

Cun Israel mi nih, “Israel miphun vialte lakah ahodah Bawipa sin i i pumhnak ah a chuak lo?” tiah an ti. Zeitintiah annih nih Mizpah ah Bawipa sin i a ra lomi kongah khan chiatsernak nganpi pakhat an ser i, “Thah a si lai,” an ti.

1 SAMUEL 10:17

Cun Samuel nih mi kha Bawipa sinah, Mizpah ah hmun khat ah a auh hna i,

1 SAMUEL 3:20

Cun Israel mi vialte nih, Dan in Beersheba tiang, Samuel cu Bawipa profet ah fehter a si ti kha an hngalh dih.