BIACEIHTU 2:5 - Lai (Hakha) Common Language Bible 2006

⁵ Cun cuka hmun cu a min ah Bochim an sak; cuka ah Bawipa sinah rai an thawi.

BIACEIHTU 2:5 ပူးပေါင်းရင်းမြစ်များ

GENESIS 35:8

Rebekah umtu Deborah kha a thi i Bethel khua thlang i kuhthing tangah cun an vui. Cucaah “Ṭahnak kuhthing” tiah min an sak.

JOSHUA 7:26

Cun nihin tiangin a ummi lungpumh nganpi pakhat a cungah cun an pumh; cun Bawipa cu a kangh in a kangmi a thinhunnak cun aa mer. Cucaah cun nihin tiangin cu ka hmun cu Akhor Nelrawn tiah ti a si.

BIACEIHTU 13:19

Cucaah chang thawinak he tiah meheh fa cu Manoah nih a lak i lungpi cungah Bawipa sinah a pekchanh, khuaruahharnak a tuahtu sinah cun.

BIACEIHTU 2:1

Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i

BIACEIHTU 2:4

Bawipa vancungmi nih hi bia cu Israel mi vialte hna sinah a chim tikah, mi hna cu fak piin an ṭap.

BIACEIHTU 2:6

Joshua nih mi kha a ṭinter hna tikah, Israel mi hna cu ram kha co awkah anmah le an covo cio ah khan an kal.

BIACEIHTU 6:24

Cun khika ah Gideon nih Bawipa caah biakṭheng pakhat a ser i ‘Bawipa cu daihnak a si’ tiah min a sak. Nihin ni tiang hin Abiezer mi hna ta a simi Ofrah khua ah cun a um ko.

1 SAMUEL 7:9

Cucaah Samuel nih hnuk ding lio tuufa pakhat a lak i Bawipa sinah pum khangh thawinak caah a pekchanh; cun Samuel nih Bawipa cu Israel mi caah a kawh i Bawipa nih amah cu a leh.