BIACEIHTU 2:2 - Lai (Hakha) Common Language Bible 2006

² hi ram i a ummi hna he hin biakamnak zeihmanh na tuah lai lo; an biakṭheng cu na hrawh dih hna lai,’ tiah ka ti. Sihmanhsehlaw nawl kan pekmi cu na ngai lo. Na tuahmi hi zeidah a si?

BIACEIHTU 2:2 ပူးပေါင်းရင်းမြစ်များ

GENESIS 12:18

Cu tikah Faro nih Abram cu mi kha a auhter hna i, “Zeicahdah hi bantukin ka cungah rian na ṭuan? Zeicahdah ka nupi a si tiah na ka chimh lo?

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

EXODUS 32:21

Aaron cu a thawh i, “Hi mi hna hi na cung i zei an tuah ruangah dah hi bantuk sualnak ṭihnung hi na tuahter hna?” a ti.

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 2:5

Bawipa nih hi bangin a ti: “Nan pupa hna nih zei palhnak dah ka cungah an hmuh i Ka sinin lamhlatpi ah an kal i pakpalawng kha an zulh i pakpalawng ah an can?

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

JOSHUA 9:7

Sihmanhsehlaw Israel mi hna nih cun Hiv mi hna sinah cun, “Kanmah lak i a ummi nan si sual men ko hnga; cu ti a si ahcun zeitindah nannih he biakamnak kan tuah khawh lai?” tiah an ti.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

BIACEIHTU 2:20

Cucaah Bawipa thinhunnak cu Israel cungah a alh i, “Hi mi hna nih hin an pupa hna sinah nawl ka pekmi ka biakamnak kha an hrawh i ka bia kha an ngaih lo caah,

BIACEIHTU 6:10

cun nannih sinah, ‘Keimah cu Bawipa nan Pathian cu ka si; an ram chung i nan umnak Amor mi hna pathian hna cu upatnak nan pe hna lai lo, ka ti; sihmanhsehlaw ka aw kha zei ah nan rel lo,’ a ti,” tiah a ti.

BIACEIHTU 6:8

Israel mi sinah cun Bawipa nih profet pakhat a thlah; cun anih nih annih sinah “Hi bangin, Bawipa, Israel Pathian nih, Izipt ram in ka hun in hruai hna i saltannak inn chungin kan chuah hna;

BIACEIHTU 8:27

Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.