BIACEIHTU 2:17 - Lai (Hakha) Common Language Bible 2006

¹⁷ Asinain annih nih an biaceihtu hna bia cu an ngai hlei lo; annih nih pathian dang sinah khan hlawh an hlang ṭhiamṭhiam ko i annih hmaiah khan an kun ṭhiamṭhiam ko; Bawipa nawlbia a rak ngaimi an pupa hna nih an rak zulhmi lam khan an pial zau i annih tuah bantuk khan an tuah lo.

BIACEIHTU 2:17 ပူးပေါင်းရင်းမြစ်များ

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

SALM 106:43

Bawipa nih a mi pawl cu voi tampi a khamh ko hna, sihmanhsehlaw amah doh tu kha an duhmi cu a si i sualnak chungah khan thuk chin lengmang in an pil.

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

JEREMIAH 3:6

Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi?

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

HOSEA 2:2

Nan nu cu lem tuah u, Amah cu keimah nupi a si lo maw? Keimah cu a va ka si lo maw? Hlawhhlangnu muisam a kenmi cu a hlawt i a duhtu hna cu a ṭang in a ṭhen hna nakhnga, lem tuah u.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 31:18

Ṭhat lonak an tuahmi vialte ruangah, pathian dang hna leiah an i mer caah, khi ni ah ka hmai cu ka thuh hrimhrim lai.

DEUTERONOMI 9:12

Khi tikah Bawipa nih ka sinah, ‘Tho law, hika hin khulrang tein vung kal tuah, zeitintiah Izipt ram in na chuahpimi na mi hna nih thurhnawm ngaiin an i tuah cang; zulh awkah nawl ka pekmi hna lam khan khulrang tein an pial cang; annih caah thletmi siasal an i ser,’ tiah a ti.

DEUTERONOMI 9:16

Khua ka zoh i zohhmanh, Bawipa nan Pathian cungah nan sual cang; thletmi cawfa kha nan i ser cang; Bawipa nih zulh awkah nawl an pekmi hna lam khan khulrang tein nan pial cang.

JOSHUA 24:24

Cun mi zapi nih cun Joshua cu, “Bawipa kan Pathian cu kan biak lai i amah aw kha kan ngaih lai,” tiah an chawnh.

JOSHUA 24:31

Cun Israel mi nih Joshua nunchung vialte le, Joshua hnu i a nung i Bawipa nih Israel mi caah a tuahmi rian vialte a hngaltu upa hna nunchung cu Bawipa rian kha an ṭuan.

BIACEIHTU 2:7

Cun mi hna nih cun Joshua nunchung le Joshua hnuah a nungmi upa, Israel mi caah Bawipa nih rian ngan a tuahmi vialte a rak hmutu hna an nunchung ah cun Bawipa rian kha an ṭuan.

BIACEIHTU 8:33

Gideon a thih cangka tein Israel mi cu an i mer hoi i Baal kha hlawhhlang an celhhnawh hoi hna i Baal-berith kha an pathian ah an ser.

1 SAMUEL 12:12

Cun nannih nih Ammon mi siangpahrang Nahash kha nanmah doh awkah a ra ti nan hmuh tikah, Bawipa nan Pathian cu nan siangpahrang a si ko lioah, keimah sinah, ‘Sihlah, siangpahrang nih kan uk ko seh,’ nan ti.

1 SAMUEL 12:17

Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai,” tiah a ti.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.