BIACEIHTU 2:15 - Lai (Hakha) Common Language Bible 2006

¹⁵ Ral doh awkah an chuah fate Bawipa kut cu a chia lei in an caah a um, Bawipa nih ralrinnak a rak pek hna bang le an sinah chiat a rak ser bang khan; cucaah vansang au in an um.

BIACEIHTU 2:15 ပူးပေါင်းရင်းမြစ်များ

2 CHANRELNAK 12:1

Rehoboam uknak cu a feh i a ṭhawn tikah Bawipa phungbia cu a hlawt i amah sin ṭang Israel mi vialte zong nih khan an hlawt ve.

JEREMIAH 18:8

sihmanhsehlaw cu ka tlerhmi miphun nih cun a ṭhat lonak kha a mertak ahcun a cung i thil ṭhalo ka tuah lai ka timi kha a ṭhat deuhnak in ka ruah ṭhan lai.

JEREMIAH 21:10

Hi khua hi ka hmai ka thuhtak cang, an cung i ṭhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah Bawipa nih a ti,” tiah a ti.

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

MIKAH 2:3

Cucaah Bawipa bia cu hi bangin a si: Hi mi hna cungah hin rawhralnak tlunter ka tim lio i ahohmanh an luat kho lai lo. I uangthlar ngaiin nan i chawk thluaimai kho ti lai lo, Zeicahtiah cu caan cu an caah caan chia a si lai.

2 KORIN 4:8

Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭawm in kan um tawn, sihmanhsehlaw kan hnabei a dong bal lo;

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

BIACEIHTU 10:9

Cun Ammon mi hna nih Judah le Benjamin le Efraim te chung zong kha doh awkah Jordan kha an tan; cucaah Israel cu chimpit vansang in a um.

RUTH 1:13

nannih nih an upat tiang nan hngah hna hnga maw? Va ngei loin maw nan um ko hnga? Si hlah e, ka fanu hna, nanmah caah hin ka ngaih a chia hringhran ko, Bawipa kut cu keimah doh ah cun pei a chuah cang fam cu,” tiah a ti.

1 SAMUEL 12:15

sihmanhsehlaw Bawipa aw kha nan ngaih lo Bawipa nawlbia kha nan ralchanh ahcun, khi tikah Bawipa kut nih cun nanmah le nan siangpahrang kha an ralchanh hna lai.

1 SAMUEL 13:6

Israel mi nih harnak chungah kan um ti kha an hmuh tikah (zeitintiah annih cu fak piin an det hna) mi hna cu lungkua hna le khor hna le lungpi chung hna le thlan chung hna le ti inn chung hna ah an i thup,

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.