BIACEIHTU 2:11 - Lai (Hakha) Common Language Bible 2006

¹¹ Cun Israel mi nih Bawipa mithmuh i thil ṭhalo a simi kha an tuah i Baal kha an biak hna.

BIACEIHTU 2:11 ပူးပေါင်းရင်းမြစ်များ

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

GENESIS 38:7

Er cu a ziaza a ṭhat lo caah Bawipa a cungah aa lawm lo i a thah.

1 SIANGPAHRANG 11:5

Zeitintiah Solomon nih cun Sidon mi hna khuazingnu Ashtoreth le Ammon mi hna pathian fihnung Milkom kha a zulh hna.

1 SIANGPAHRANG 18:18

Cun anih nih a leh i, “Keimah nih Israel mi cu harnak ka pe hna lo, nangmah le na pa hrin nih pei nan pek hna tiah, zeicahtiah nannih nih Bawipa nawlbia kha nan hlawt hna i Baal kha nan zulh hna.

1 SIANGPAHRANG 22:53

Baal kha a rian a ṭuan i a biak i a pa nih a rak tuahmi vialte kha tuah in, Bawipa, Israel Pathian cu a thin a phawh.

2 CHANRELNAK 28:2

sihmanhsehlaw Israel siangpahrang hna lam tu kha a zul. Baal hna caah khan thletmi milem hmanh a ser hna;

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

EZRA 8:12

Azgad tefa hna chungin Hakkatan fapa Johanan, cun amah he cun pa za khat le pahra.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

SALM 78:56

Asinain Lianngan Bik Pathian kha an doh i an hneksak. A nawlbia kha zulh an duh lo i

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 16:11

Cun nang nih na leh hna lai i, ‘Nan pupa hna nih an ka hlawt i pathian dang kha an zulh hna i an rian an ṭuan hna i an biak hna caah a si. An ka hlawt i ka phungbia kha an ngai lo.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.

JEREMIAH 9:14

Annih nih an pupa hna nih an cawnpiak hna bang khan an lung a khong i Baal siasal lehlam kha an biak hna.

NAMBAR 25:3

Cu bangin Peor i Baal he cun Israel mi cu an i khitbanh i, Bawipa thinhunnak cu Israel cungah a alh;

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 4:25

“Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

BIACEIHTU 10:10

Cun Israel mi nih Bawipa kha an auh i, “Nangmah cungah kan sual cang, zeitintiah kan Pathian kha kan hlawt i Baal kha kan biak hna,” tiah an ti.

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 13:1

Cun Israel mi nih Bawipa mithmuh i a ṭha lomi kha an tuah ṭhan hoi i Bawipa nih Filistin mi kut chungah kum sawm li a pek hna.

BIACEIHTU 3:12

Cun Israel mi nih Bawipa mithmuh i thil ṭhalo cu an tuah ṭhan; cun Bawipa nih Moab siangpahrang Eglon cu Israel mi doh awkah a ṭhawnter, zeicahtiah Bawipa mithmuh i thil ṭhalo kha an tuah.

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.

BIACEIHTU 4:1

Cun Ehud thih hnuah, Israel mi nih Pathian mithmuh i thil ṭhalo kha an tuah ṭhan hoi.

BIACEIHTU 6:1

Israel mi nih Bawipa mithmuh i a ṭha lomi kha an tuah i Bawipa nih Midian kut chungah kum sarih a pek hna.

BIACEIHTU 6:25

Khi zan ah Bawipa nih a sinah, “Na pa cawtum, cawtum pahnihnak kum sarih a timi kha la law, na pa ta a simi Baal biakṭheng kha chim dih tuah, cun a pawng i a ummi Asherah kha hau;

BIACEIHTU 8:33

Gideon a thih cangka tein Israel mi cu an i mer hoi i Baal kha hlawhhlang an celhhnawh hoi hna i Baal-berith kha an pathian ah an ser.

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.

1 SAMUEL 7:4

Cucaah Israel mi nih Baal hna le Ashtaroth hna kha an hlawt hna i Bawipa rian lawng kha an ṭuan.