BIACEIHTU 19:9 - Lai (Hakha) Common Language Bible 2006

⁹ Cun mipa le a nuchun le a sal kha kal awkah an i thawh tikah, a pu, ngaknu pa nih cun, amah cu, “Zohhmanh, atu cu ni a tla dengmang cang, zan khuadei in cam ko rih u. Zohhmanh, khua a mui cuahmah cang; hika ah hin riak law, na lung kha nuamhter ko, cun thaizing ah zing tein na tho lai i na inn ah na kal ko lai,” tiah a ti.

BIACEIHTU 19:9 ပူးပေါင်းရင်းမြစ်များ

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

LUKA 24:29

sihmanhsehlaw an tlaih i, “Kan sinah tlung ve ko, zanlei a si cang i a muih zong a mui dengmang cang,” an ti. Cucaah anmah sinah cun a tlung.

BIACEIHTU 19:10

Sihmanhsehlaw mipa nih zan riah cu a duh ti lo; a tho i a kal i Jebus (cucu Jerusalem) ral kha a phan. A dan danhmi laa tuah khat kha aa ngeih hna i a nuchun zong kha a sinah cun a um.

BIACEIHTU 19:6

Cucaah mipa pahnih hna cu hmunkhat ah an ṭhu i an ei i an ding ṭi. Cun ngaknu pa nih mipa sinah cun, “Tuzan cu riak rih ko law, lunglawm tein um ko,” tiah a ti.

BIACEIHTU 19:8

Ni nganak ni ah kal awkah zingka tein a tho. Cun ngaknu pa nih khan, “I hrim rih tuah law, nitlak tiangin um tuah,” tiah a ti. Cucaah an pahnih in an ei ṭi.

RUTH 3:7

Cun Boaz cu a ei a din dih in a lung aa lawm i rawltlun hram i ih awkah a kal. Cun din tein a ra i a ke cu a hlim i a it ve.