BIACEIHTU 19:30 - Lai (Hakha) Common Language Bible 2006

³⁰ Cun a hmumi vialte nih, “Mah bantuk thil hi dah ngai Israel mi nih Izipt ram in an chuah ni in nihin tiangah a um bal lo, a hmuh zong kan hmu bal lo; ruat u law, i ceih ṭi u law, chim tuah u,” an ti.

BIACEIHTU 19:30 ပူးပေါင်းရင်းမြစ်များ

PHUNGTHLÛKBIA 11:14

Hruainak a um lo tikah miphun kha an tlu tawn, sihmanhsehlaw fimchimtu tamnak hmun ah cun himnak kha a um.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

PHUNGTHLÛKBIA 15:22

Ruahnak i cheuhnak a um lo ahcun khuakhannak kha a pingah a kal tawn, sihmanhsehlaw ruahnak cheutu an tam ahcun a hlawh a tling tawn.

PHUNGTHLÛKBIA 20:18

Lungthin i cheuhnak in khuakhanmi kha a hmun, i timh ciammam loin raltuknak hmun chungah lut cutmat hlah.

PHUNGTHLÛKBIA 24:6

Zeicahtiah ral cu ṭha tein khuakhannak thawngin tei a si i saupi timhtuahnak theitlai cu teinak a si.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

BIACEIHTU 20:7

Nannih Israel mi vialte hna nih, ngaihmanh u, nan ruahnak le a ṭha nan tining kha chuah cio tuah u,” tiah a ti hna.