BIACEIHTU 19:20 - Lai (Hakha) Common Language Bible 2006

²⁰ Cun tarpa nih cun, “Nan cungah daihnak si ko seh; nan herhmi vialte cu keimah nih kan ruahpiak hna lai; khua lai bel ah cun riak hrimhrim hlah u,” tiah a ti.

BIACEIHTU 19:20 ပူးပေါင်းရင်းမြစ်များ

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

1 KORIN 1:3

Pathian kan Pa le Bawipa Jesuh Khrih nih vel le daihnak in pe ko hna seh.

GALATI 6:6

Khrihfa phung cawnpiak a simipa nih khan, thil ṭha a hmuhmi vialte cu a saya kha a hrawm awk a si.

HEBRU 13:2

Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna.

1 PETER 4:9

Phunzai loin pakhat le pakhat tlun inn i onh u.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

BIACEIHTU 6:23

Sihmanhsehlaw Bawipa nih cun a chawnh i, “Na cungah daihnak um ko seh; ṭih hlah, na thi lai lo,” tiah a ti.

1 SAMUEL 25:6

Cun hi bangin amah cu, ‘Nangmah cungah daihnak um ko seh, cun na innchungkhar cungah daihnak um seh law, na ngeihmi vialte cungah daihnak um ko seh.