BIACEIHTU 19:12 - Lai (Hakha) Common Language Bible 2006

¹² Cun a bawipa nih amah cu, “Israel mi chungah aa tel lomi miphun dang hna khua chung luh awkah kan pial lai lo; sihmanhsehlaw Gibeah ah kan lan ko lai,” a ti.

BIACEIHTU 19:12 ပူးပေါင်းရင်းမြစ်များ

ISAIAH 10:29

Maabarah pawng khan an lan i Geba ah zan khat an riak. Ramah khuami hna cu an lau dih i Siangpahrang Saul Siangpahrang khua Gibeah khuami hna kha an zam dih.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

JOSHUA 18:25

cun Gibeon, Ramah, Beeroth,

JOSHUA 18:28

Zela, Haelef, Jebus (cucu Jerusalem), Gibeah, le Kiriath-jearim — khua pa hleili an khuate hna he. Mah hihi Benjamin phun nih an innchungkhar ning cio ah an comi cu a si.

BIACEIHTU 19:11

Jebus kha an hei naih tikah ni a tla dengmang cang i a salpa nih khan a bawipa cu, “Ra tuah, Jebus mi hna khua ah hin va pial u si law, khika ah va riak u sih,” tiah a ti.

BIACEIHTU 19:13

Cun a salpa sinah cun, “Ra tuah, hi hmun hna lakah pakhatkhat hi va fuh hna u si, Gibeah ah maw Ramah ah dik kan riah hnga,” a ti.

1 SAMUEL 10:26

Saul zong cu Gibeah khua i a inn ah a tlung ve i amah sinah cun Pathian nih an lung a canghtermi, mi ralṭha hna kha an kal ve.

1 SAMUEL 13:2

Saul nih Israel mi thong thum a thim hna; thong hnih cu Saul he Mikmash le Bethel tlangram ah khan an um i thong khat cu Jonathan he Benjamin phun khua Gibeah ah khan an um; cun a tangmi hna cu anmah le an thlam cio ah khan a kirter hna.