BIACEIHTU 19:10 - Lai (Hakha) Common Language Bible 2006

¹⁰ Sihmanhsehlaw mipa nih zan riah cu a duh ti lo; a tho i a kal i Jebus (cucu Jerusalem) ral kha a phan. A dan danhmi laa tuah khat kha aa ngeih hna i a nuchun zong kha a sinah cun a um.

BIACEIHTU 19:10 ပူးပေါင်းရင်းမြစ်များ

2 SAMUEL 5:6

Cun siangpahrang le a mi hna cu Jebus mi doh awkah Jerusalem ah an kal; cu hna cu cuka ram i a ummi an si i David kha, “Hika ah hin na lut lai lo, mitcaw le kebei hmanh nih an in kham khawh lai,” tiah a rak titu kha an si. Annih nih, David cu hika ah a lut kho lai lo, tiah an ruah.

JOSHUA 15:63

Sihmanhsehlaw Jerusalem khuami Jebus mi hna cu Judah mi hna nih an dawi kho hna lo; cucaah nihin ni tiangin Jebus mi hna cu Judah mi hna he Jerusalem ah an um ko.

JOSHUA 15:8

cun ramri cu Jebus mi umnak tlang thlanglei fing (cucu Jerusalem) i Hinnom fapa nelrawn leiah a hung kai; cun ramri cu, nitlaklei ah, Refaim nelrawn chaklei kamah, Hinnom horkuang ralchan i a ummi tlangpar tiang a hung kai;

JOSHUA 18:28

Zela, Haelef, Jebus (cucu Jerusalem), Gibeah, le Kiriath-jearim — khua pa hleili an khuate hna he. Mah hihi Benjamin phun nih an innchungkhar ning cio ah an comi cu a si.

BIACEIHTU 1:8

Cun Judah mi nih Jerusalem cu an doh i an lak i vainam in an sam cikcek i khuapi cu mei in an khangh.

BIACEIHTU 19:9

Cun mipa le a nuchun le a sal kha kal awkah an i thawh tikah, a pu, ngaknu pa nih cun, amah cu, “Zohhmanh, atu cu ni a tla dengmang cang, zan khuadei in cam ko rih u. Zohhmanh, khua a mui cuahmah cang; hika ah hin riak law, na lung kha nuamhter ko, cun thaizing ah zing tein na tho lai i na inn ah na kal ko lai,” tiah a ti.