BIACEIHTU 18:7 - Lai (Hakha) Common Language Bible 2006

⁷ Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.

BIACEIHTU 18:7 ပူးပေါင်းရင်းမြစ်များ

1 SIANGPAHRANG 1:6

A pa nih zeitikhmanh ah, “Zeicahdah cu bantuk, kha bantukin na tuah?” tiin amah kha a ing a puanter bal lo. Amah cu Absalom a hun changtu kha a si i a dawh zong aa dawh ngaingai.

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 CHANRELNAK 4:40

khika ah ram hno ram ṭha kha an va hmuh i hmun zong kha a rak kau ngaingai i a dai i hnangamnak hmun a si; zeitintiah khika i a rak um hmasami hna cu Ham tefa kha an rak si.

JEREMIAH 49:31

Tho u, a daithlangmi miphun kha fuh hna u sih, An ruahnak sawhsawh lawng i him tein khua a sa i kutka siseh, kothrolh siseh, a ngei ṭung lomi kha tu hna u sih.

ROM 13:3

Uktu bawi hi ṭhatnak a tuahmi nih cun ṭih awk an si lo i ṭhat lonak a tuahmi lawng nih ṭih awk an si. Nawl ngeitu ṭih loin um na duh ahcun, ṭhatnak tuah law an thangṭhat ko lai.

JOSHUA 19:47

Dan mi nih an ram cu an sungh tikah, Dan mi hna cu an hung kal i Leshem kha an hung doh i an tei. Vainam in an sam dih hnuah an lak i a chungah khua an sa i anmah thlatu Dan min chuankhan in Leshem cu Dan tiah an ti.

1 PETER 2:14

ṭhat lonak a tuahtu hna dantat awkah le ṭhatnak a tuahtu hna thangṭhatnak pek awkah a thlahmi bawi hna zong kha an nawl ngai ko hna u.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIACEIHTU 18:29

Cun khua cu a min ah, Israel hrinmi Dan an pu min chuankhan in Dan an sak, sihmanhsehlaw cu khua min cu a terte ah cun Laish a si.

BIACEIHTU 18:6

“Hnangam tein kal ko u. Nan kalhnawh chanmi hi, Bawipa mit tangah a um ko,” tiah a ti hna.

BIACEIHTU 18:8

Cun annih nih Zorah le Eshtaol i an unau hna sinah an rat tikah, an unau hna nih cun, “Zeitindah a si?” tiah an ti hna.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.