BIACEIHTU 18:6 - Lai (Hakha) Common Language Bible 2006

⁶ “Hnangam tein kal ko u. Nan kalhnawh chanmi hi, Bawipa mit tangah a um ko,” tiah a ti hna.

BIACEIHTU 18:6 ပူးပေါင်းရင်းမြစ်များ

1 SIANGPAHRANG 22:12

Cun cu bantuk ṭhiamṭhiam in profet vialte nih cun an chim i, “Ramoth-gilead ah cun hung kal law, hung tei ko; Bawipa nih siangpahrang na kut chungah an pek lai,” tiah an ti.

1 SIANGPAHRANG 22:15

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

DEUTERONOMI 11:12

Bawipa nan Pathian nih a zohkhenhmi ram a si; kum thawknak in kum donghnak tiang Bawipa nan Pathian mit cu a cungah aa fu zungzal.

1THESALON 3:11

Pathian kan Pa le kan Bawipa Jesuh nih cun nanmah sin i kan rat khawh nakhnga lam kan serpiak ko hna seh.

BIACEIHTU 18:5

Cun annih nih amah cu, “Pathian kan halpiak tuah, tiah kan in nawl, kannih nih kan kalhnawhchanmi hi kan hlawhtling lai maw tling lo kan hngalh khawh nakhnga,” tiah an ti. Cun tlangbawi nih cun annih cu,

BIACEIHTU 18:7

Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.

1 SAMUEL 1:17

Cun Eli nih a leh i, “Dai tein va kal ko, Israel mi Pathian nih amah na halmi cu in pe ko seh,” tiah a ti.