BIACEIHTU 18:31 - Lai (Hakha) Common Language Bible 2006

³¹ Cucaah Mikah nih a sermi milem cu, Shiloh i Pathian inn ah a um chung cu, annih nih anmah caah an i chiah.

BIACEIHTU 18:31 ပူးပေါင်းရင်းမြစ်များ

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

JEREMIAH 7:12

Ka min ka rak umternak hmasa, Shiloh khua i ka hmun thiang ah khan va kal u law, ka mi Israel mi hna ṭhat lo ruangah khakha zeitindah ka tuah ti kha va zoh tuah u.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

BIACEIHTU 19:18

Cun anih nih, “Judah ram Bethlehem khua in ka ratnak Efraim tlangram i hmun ken ah cun kan kal lai. Judah ram Bethlehem khua ah cun ka kal i atu cu ka inn ah ka kir lio; ahohmanh nih an ka tlunter lo.

BIACEIHTU 21:19

Cucaah annih nih, “Zohhmanh, Bethel chaklei, Bethel in Shekhem i a hung kalmi lam nichuahlei, Lebonah thlanglei ah a ummi Shiloh ah kumfatin Bawipa caah puai an tuah tawnmi a um,” tiah an ti.

BIACEIHTU 21:21

Cun Shiloh khua ngaknu hna nih lamnak chung i i tel ve awkah an ra chuah tikah, mitsur dum chung cun ra chuak u law, Shiloh ngaknu hna cu pakhat nih pakhat cio nupi ah i tlaih hna u law, Benjamin ram ah kal tuah u.

1 SAMUEL 1:3

Cun hi pa cu kumfate in, Eli fapa pahnih Hofni le Phinehas, Bawipa tlangbawi an sinak Shiloh khua ah khan, ralkapbu Bawipa biak awk le raithawi awkah, amah khua in a hung kal tawn.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.