BIACEIHTU 18:30 - Lai (Hakha) Common Language Bible 2006

³⁰ Cun Dan mi hna nih cun suaimi milem cu anmah caah an i phun. Cun Moses fapa Gershom i a fapa Jonathan le a fapa hna cu, ram kha sal i a taan ni tiang, Dan miphun caah tlangbawi an si.

BIACEIHTU 18:30 ပူးပေါင်းရင်းမြစ်များ

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

2 SIANGPAHRANG 17:22

Israel mi cu Jeroboam nih a rak tuahmi sualnak vialte kha an tuah ve i an pialtak hna lo;

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

EXODUS 18:3

Jethro nih Zipporah fapa pahnih Gershom le Eliezer zong kha aa ratpi ve hna. (Moses nih khan, “Ram dang ah khual ka si,” a rak ti i cucaah a fapa pakhat kha Gershom a sak.

EXODUS 2:22

Fapa pakhat a hrin. Moses nih, “Kei cu midang ram ah khual ka si,” a ti i a min ah Gershom a sak.

EXODUS 20:4

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

BIACEIHTU 13:1

Cun Israel mi nih Bawipa mithmuh i a ṭha lomi kha an tuah ṭhan hoi i Bawipa nih Filistin mi kut chungah kum sawm li a pek hna.

BIACEIHTU 17:3

Ngun tangka cu a nu kha a pek ṭhan i a nu nih, “Ka fapa cungah chiatsernak kha a tlun nakhnga lo, Bawipa sinah ngun tangka cu ka pekchanh hna. Thing milem ngun hutmi sernak caah hman a si lai. Cucaah atu ah ngun tangka cu na sinah kan pek ṭhan,” tiah a ti.

BIACEIHTU 17:5

Cun Mikah nih cun hmunthiang pakhat a ngei i tlangbawi angki le milem tete a ser hna i, a fapa pakhat cu a thianter i a tlangbawi ah a cang.