BIACEIHTU 18:29 - Lai (Hakha) Common Language Bible 2006

²⁹ Cun khua cu a min ah, Israel hrinmi Dan an pu min chuankhan in Dan an sak, sihmanhsehlaw cu khua min cu a terte ah cun Laish a si.

BIACEIHTU 18:29 ပူးပေါင်းရင်းမြစ်များ

GENESIS 14:14

Abram nih a rualchan an tlaih ti kha a theih tikah a riahhmun i a ummi a minung hna lak i zumhawktlak a timi minung za thum le hlei riat kha a kawh hna i siangpahrang hna cu Dan khua tiang an dawi hna.

GENESIS 30:6

Rachel nih khan, “Pathian nih keimah ṭanh in bia a ka ceihpiak cang. Ka thlacamnak kha a theih i fapa a ka pek,” a ti i cucaah a min cu Dan a sak.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

2 SAMUEL 17:11

Cucaah kei ka ruahnak cheuhmi cu hitin a si: Israel mi vialte cu Dan in Beersheba tiang nangmah sinah kan pumh hna lai, an tam ning rilikam thetse zat in, cun nangmah zong na pum in raldohnak hmun ah cun na kal ve lai.

1 SIANGPAHRANG 15:20

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abel-beth-maakah le Khinneroth vialte kha, Naftali ram vialte he an tei dih.

JEREMIAH 8:16

An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

DEUTERONOMI 34:1

Cun Moses cu Moab nelrawn in Jeriko zawn i a ummi Nebo tlang, Pisgah tlangpar ah cun, a hung kai. Cun Bawipa nih ram vialte cu a hmuhsak, Gilead ram cu Dan tiangin,

JOSHUA 19:47

Dan mi nih an ram cu an sungh tikah, Dan mi hna cu an hung kal i Leshem kha an hung doh i an tei. Vainam in an sam dih hnuah an lak i a chungah khua an sa i anmah thlatu Dan min chuankhan in Leshem cu Dan tiah an ti.

BIACEIHTU 18:7

Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.

BIACEIHTU 20:1

Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.